"Forty eight years na tayong nag-aabang, bakla, pero hindi pa rin tayo nakakasakay," naiiritang reklamo ng kaibigan ni Reza na si Sandro. Kanina pa ito paypay nang paypay sa pawisang mukha.
May dalawang oras na rin simula nang mag-out sila sa trabaho pero hindi pa rin sila nakakauwi. Bawat jeep na pinapara nila ay puro punuan. Ang iba nga ay hindi na humihinto. Minsan nga ay nakikipaghabulan na sila para lang makasakay. Pero talagang ang hirap sumingit. May mga pasahero pang ang lalakas mambalya para lang makasingit. May mga nag-aaway at nagkakapikunan na, eh. Ang iba naman ay kulang na lang na sumabit pati sa bintana.
Ganito kasi rito sa Jaro kapag papalapit na ang Christmas season. Paroo't parito ang mga tao. Lalo pa't malapit din sila sa SM Iloilo at dalawang malalaking colleges. Mara
