"Baka naman sabihin mo na wala akong konsiderasyon." Napakisap si Kieran nang marinig ang boses ni Gemaima. Nasa loob sila noon ng bagong kotse niya at nag-aabang sa labas ng bahay na sinasabi sa kanila ni Ex-Congressman Sumaniego. Dito raw nakatira ang kasalukuyang congressman na nakalaban nito sa pulitika. Ito ang gagamitin ni Gemaima para sa plano nila. "Maldita ako at taklesa pero hindi naman ako kasing heartless ni Panther, 'no? Alam kong nagluluksa ka pa. Kaya hindi na kita sisingilin sa utang mo sa'king pangako na matitikman ko si Dean Monreal. Ako na ang bahalang gumawa ng paraan para sa sariling kaligayahan ko. So, wala ka ng problema. Ang bait ko, 'di ba?"
Nagpanting ang tainga ni Kieran. Hindi niya gusto ang timbre ng boses ni Gemaima. Parang may masama itong pinaplano. "Huwag
