"What the f**k really happened?!" Halos um-echo ang boses ni Bernard sa malawak na sala ng bahay ni Drake, pagkadating na pagkadating nila galing sa misyon. Sa sobrang galit ay parang gusto na nitong manipa at manakit. "Bakit ba kayo natagalan sa parking lot? Eh, tatatlo lang naman ang mga kalaban n'yo?"
"Bakit hindi mo tanungin ang gagang 'yan?!" pasigaw din na sagot ni Gemaima kay Bernard, habang itinuturo si Joanna.
Si Kieran naman ay tahimik lang na nakaupo at mariing nakakuyom ang mga kamao. Hanggang ngayon ay nanginginig pa rin siya sa galit kay Joanna. Ni hindi niya magawang maawa rito kahit puro ito pasa dahil sa inabot sa kanila ni Gemaima kanina.
Binalingan ni Bernard Joanna. "Ano na naman ba ang ginawa mo, Cat? At saan ka ba nagpunta kanina-" Sadyang ibinitin ni Bernard ang i
