Alas siyete pa lang ng gabi ay nasa loob na ng mall si Kieran para abangan ang kaibigan at ka-transaction ni Ruphert Sumaniego. At kapag nakita niya ay ititimbre niya kay Gemaima na noo'y nasa kotse na nito sa parking lot at nag-aabang sa text ni Kieran, at sa pagdating ni Ruphert Sumaniego. Naka-disguise na si Kieran kaya iba na ang hitsura niya. Hindi siya makikilala ng kahit sino. Kahit maligaw pa rito ang pinsan niyang pulis at kapatid ni Dean na si Gwen. Dito kasi 'yon nakatira at nakadestino sa Cubao.
Ayon nga sa napag-usapan ng Animaux, si Gemaima ang papatay kay Ruphert at back up naman si Kieran. Pero ngayong gabi ay baligtad ang mangyayari. Si Kieran ang papatay kay Ruphert at si Gemaima na ang magiging watcher o back up. Gagawin iyon ni Kieran para ipaghiganti ang Tita Marites
