"Katulad nga ng sinabi namin sa inyo noon ni Bear ay naghigpit na ng seguridad si Ruphert Sumaniego. Tuso talaga ang gagong bata," paninimula ni Gemaima.
Nasa Manila na ngayon ang Animaux para isagawa ang misyon nila: ang patayin si Ruphert Sumaniego. Ito ang "trabaho" na sinasabi noon ni Kieran kay Reza. Kaya ayaw niyang isama sa Manila ang nobya dahil alam niyang delikado. Bukod sa natatakot din si Kieran na baka malaman ni Reza ang totoo niyang pakay dito sa Manila.
Pero hindi niya kayang tiisin ang girlfriend. Ayaw niyang maiwan ito sa Iloilo na nag-iisa at nalulungkot. Awang-awa na siya sa pinagdadaanan ngayon ni Reza. At isa pa, mamimiss din naman niya ito. Bago kasi sila aalis dito sa Manila ay sisiguruhin muna nila na malinis ang kanilang magiging trabaho.
Kaya kahit alam ni K
