May limang araw na rin simula nang mamatay ang Tita Marites ni Reza at ang asawa't anak nito. Kaya pala kabang-kaba siya noong araw na pinatay ang mga ito. Iyon ang masamang balita na itinawag sa kaniya noon ni Sandro.
Ayon sa imbestigasyon, posibleng mga kasamahang kriminal daw na nahuli at naipakulong ng asawang pulis ni Tita Marites ang pumatay sa mga ito. Papunta raw sa mall ang pamilya ng tiya ni Reza nang i-ambush ang mga ito at pinagbabaril. Parehong dead on arrival ang kawawang pamilya ni Tita Marites. At ang masaklap pa, hangggang ngayon ay hindi pa rin nahuhuli ang mga salarin. Dahil doon kaya lalo lang nadagdagan ang galit ni Reza sa mga kriminal.
Nagdesisyon ang kapatid ng asawa ni Tita Marites na i-cremate na lang ang pamilya ng kaniyang tiya, na sinang-ayunan naman ng Nanay
