Aries's POV
Matapos ikuwento ni Zevian ang nakaraan niya, hindi ko napigilang mapaluha. Hindi ko inakala na gano’n kabigat ang pinagdaanan niya sa dating girlfriend ng kanyang ama. Niyakap ko siya nang mahigpit. Hindi ko man mabago ang nakaraan, tanggap ko siya nang buo—pati ang mga sugat na iniwan nito sa kanya.
Alam kong matagal na ‘yon, pero ayon sa kanya, may mga pagkakataong hanggang ngayon ay bumabalik ang urges niya, lalo na kapag mas nagiging malalim at emosyonal ang pagtatalik namin. Hindi ko siya masisisi. Apat na taon niya ‘yong tiniis.
Apat na taon ng pananahimik at pagbitbit ng bigat na hindi niya kailanman hiniling. Nasaktan ako para sa kanya—pero higit pa roon, mas lalo ko siyang minahal. Hindi dahil naaawa ako, kundi dahil humanga ako sa tapang niyang harapin at ibahagi
