HINDI ko akalaing kasalukuyan akong nakasakay ngayon sa loob ng kanyang sasakyan kasama si Inay na ngayo'y panay ang pakikipag-usap kay Travester. Wala akong nagawa kundi ang pumayag na lamang sa kanyang alok na ihahatid niya kami sa bahay dahil nga'y mas mahihirapan kami kung kami lang ang magco-commute ni Inay gamit ang pampasaherong jeep.
“S-Sir, thank you talaga ha? Napakabait niyo ho at hindi ninyo pinabayaan ang aking napakarikit na dilag.” Nahihiya akong napatingin sa kanilang dalawa sa front seat na nag-uusap. Kung ano-ano na lang kasi ang mga pinagsasabi ni Inay sa kanya. Kahit na hindi ko kita ang reaksyon ng kanyang mukha sa mga iwinika ni Inay, nahalata ko naman sa body language niyang masaya siyang nakikipag-usap dito.
“No worries ho, Ma'am. Kahit sino naman sigurong tao, ga
