"ATE, kumusta na ba si Anniestacia?" Mabigat ang loob ko nang makauwi ako ng tuluyan sa bahay. Wala ako sa sariling humarap kina Inay at Vivoree na ngayo'y naghihintay ng kasagutan ko patungkol sa naganap kay Anniestacia. Hindi ko mapigilan ang sarili ko at napaiyak na lamang ako.
"Intensyon k-ko lang naman sana ay maging magkalapit din kaming dalawa ni Anniestacia ngunit 'di ko akalaing sa nais kong gawin para sa kanya ay magiging ganoon ang sasapitin niya..." Habang binibitawan ko ang mga katagang iyon, ilang ulit ding sinasaksak ang puso ko. Pilit kong pinapakalma ang aking sarili ngunit hindi ko magawa dahil sa lubusang kabigatang dala-dala ko galing sa ospital hanggang sa nakauwi ako sa bahay. "Hindi ko talaga sinasadya... Maniwala kayo..."
Niyakap ako nang diretso ni Inay na mas na
