Mabilis na pumiksi si Liz at lumayo kay Art nang akmang hahalikan na siya ng binata.
“Ahm… I… I’m done with this. I’d better go,” iwas niya saka bumalik sa lamesa at kinuha ang laptop at iba pang mga files na gagamitin para sa meeting mamaya.
Para namang binuhusan ng malamig na tubig ang binata na biglang natauhan. Kaagad itong umayos ng tayo at nag-alis ng bikig sa lalamunan.
“Okay, see you then,” anito saka mabilis na lumabas ng kuwarto.
Nakahinga siya nang maluwag pagkasarang-pagkasara nito ng pinto. Pakiramdam niya ay bigla siyang nauhaw at nainitan. Obviously, it was because of her damn heart again!
‘Settle down, Liz. Huwag kang magpapaapekto sa kaniya. Huwag kang bibigay dahil masasaktan ka lang, tandaan mo iyan,’ anang isip niya.
Inayos niya ang sarili pati na rin ang pagkakab
