3'RD PERSON POV:
PARANG isang milagro na muling nagkaroon ng pulso ang dalaga! Ilang minuto na kasi itong hindi na humihinga mula kanina sa sementeryo. Muntikan na ring ideklara ng mga doctor na 'dead on arrival' ito pero nabuhay bigla nang hawakan at kausapin ni River!
Napahagulhol sa tuwa ang mag-inang Wena at Marco na makitang maayos na ulit ang heartbeat ni Kira. Hindi na rin umalis si River sa tabi nito na umiiyak na hawak-hawak ang kamay nito.
Inilipat ito recovery room na sinamahan ng pamilya nito at ni River. Labis-labis ang pasasalamat nila Wena at Marco sa mga doctor na umasikaso kay Kira sa pangliligtas dito. Akala nila ay mawawala na ang dalaga sa kanila. Mabuti na lang at himalang nabuhay pa rin ito.
Nang mailipat na sa silid ang dalaga, saka pa lang nakalapit sina Marco
