"Shall we go now?" marahang sambit ni Lance sa aming lahat.
Bigla din bumukas ang pinto at iniluwa doon si Manong Tonz na nakangisi sa aming lahat.
"Magandang umaga po sa inyong lahat, paumanhin sa disturbo pero puwede bang tumuloy na tayo at baka gabihin tayo sa daan at nagbabadya pa naman ang masamang panahon," mahaba nitong palatak.
"Iyan na nga sabi ko sa iyo, Tilde, ang dami pa kasing drama," angil naman ni itay Ramon.
"Hay naku, Ramon, minsan lang naman kami ng anak mo, hayaan mo na ako!Halika ka na," sabi ni Inay Tilde na inalalayan si Itay pagtayo at paglakad palabas ng silid.
Sumunod naman si Manong Tonz na inakay na si Tim palabas.Masunurin naman itong nagpatiayon na lang sa matandang drayber.
Naiwan na lang kaming dalawa ni Lance sa loob ng silid na agad akong hinila palap
