KATULAD NG NAPAG-USAPAN nila, pagsapit ng bukang-liwayway ang naging simula ng pag-aksyon sa pagkawala ng reyna. Bago sila kumilos sa paghahanap, pinahalughog muna ni Rocco sa lahat ng katiwala at kawal ang buong bahagi ng palasyo. Gusto niyang makasigurado na wala nga talaga ito roon bago sila gumawa ng hakbang. Nang kumpirmahin ng lahat na wala nga talaga ito, saka niya ipinag-utos ang dapat na gawin. Pinabantayan niya rin kay Caci at Levin si Cosmo nang sa gayon ay makapante siya na habang wala sa kaharian ay may tumitingin sa kanyang pamangkin. Ipapatawag niya na lamang ito kapag kailangan niya na.
Dumiretso si Rocco ng hardin. Kailangan niyang makausap ang Seitaad. Ang pormal na katawagan sa mga buhangin na may buhay. Ang mga ito ang isa sa nakakaalam ng nangyayari sa loob ng kaharia
