"Tasia!"
Mabilis akong napamulat ng aking mga mata nang bigla kong marinig ang sigaw ni Terrence. Hinabol ko ang aking hininga nang ilang beses hanggang sa naramdaman kong inayos niya ang aking buhok saka mabilis itong inipon bago ito itali.
Natigilan naman ako nang pumasok sa isip kong nandito pala talaga si Terrence.
Ibig bang sabihin, panaginip lang iyong nangyari? Bakit parang totoo?
"Why are you crying? Mabuti na lang bigla akong pumasok rito sa kuwarto mo," nag-aalalang wika niya.
Bigla naman akong napalingon sa kaniya habang hinahabol pa rin ang aking hininga pero kahit papaano ay kumalma na ako. Kaso naaalala ko pa rin ang nangyari sa amin sa panaginip ko. Kung paano niya ako akusahan at kung paano niya ako tutukan ng baril.
Seryoso ang kaniyang mga matang nakatingin sa akin
