"Tasia," wika nang isang pamilyar na boses.
Bigla naman akong nanigas at saka unti-unting tiningnan ang lalaking nagsabi ng aking pangalan. Hindi naman ako puwedeng magkamali dahil alam na alam ko naman na si Terrence iyon dahil siya lang naman ang tumatawag sa akin nang Tasia.
"Terrence?" naguguluhang tanong ko lalo pa at hindi ko kasi siya maaninag.
Pababa kasi ako ng hagdan dahil magluluto sana ako ng agahan ko. Malawak rin ang bahay na kung saan ako dinala ng mga tauhan niya at masasabi kong mas malawak ito sa bahay na nasa United States na pagmamay-ari niya.
Mataas din ang hagdan. Akala mo nga ay isang palasyo ito dahil sa lawak ng great hall niya. Iyon bang kagaya sa royalty movies o cartoons na kung saan madalas ganapin ang isang malaking pagtitipon tapos may lalabas na hari at
