Tiningnan ni Alma si Gennie mula ulo hanggang paa sabay taas muli ng kaniyang kilay.
“Tapos ka na bang bumili?” agarang tanong niya kay Gennie.
“O-oo…ano ba ang pag-uusapan nating dalawa, Alma?” maang namang tanong ni Gennie.
“Well, we will talk a little bit about someone…”
“Someone?” naguguluhang tanong pa rin ni Gennie.
“Anyway, maghanap tayo ng lugar na puwede nating mauupuan. Masyadong hot dito eh. We have better go for refreshment so that we can talk properly,” aya sa kaniya ni Alma na nagpakunot sa noo ni Gennie.
Para mapaunlakan ang gusto ni Alma, walang kyimeng sumama na lamang si Gennie sa kaniya kahit hindi nito alam kung bakit binigyan siya nito ng oras para makausap. Habang naglalakad panay ang tingin ng mga taga-bayan kay Alma. Ibang-iba na kasi ang awra nito kumpara sa
