Nagsimula na ang seremonya ng graduation nina Pat at Aljon. Nasa kabilang linya naman ang bawat magulang ng mga nagsitapos. Habang umaakyat si Pat sa entablado para kumuha ng diploma, kasama ni Mang Greg, puno ng pag-asa ang nasa puso niya dahil hudyat na para makamtan niya ang kaniyang inaaasam na pangarap. Nakaramdam din siya ng lungkot dahil gusto sana niyang kasama si Gennie sa espesyal na araw ng kaniyang buhay.
Dahil nakabuntot si Alma kay Pat, ipinakilala na rin niya ito sa kaniyang mga magulang. Siniko pa siya nang bahagya ni Mang Greg.
“Syota mo na ba iyang pinakilala mo sa amin ng inay mo?”
“P-po? Maghunos-dili po kayo, Itay. Hindi ko po syota iyan. Kaklase po namin iyan ni Gennie noong highschool,” dagling sagot naman ni Pat. Kasalukuyang nag-uusap sina Aling Tisya at Alma ka
