Gusto rin sana niyang tanungin si Pat kung ano ang pendant ng kuwintas nito pero talagang nanaig ang hiya niya dahil baka sasabihin nito na pakialamera siya sa lahat ng bagay. Ang guwapo nga ni Pat sa suot nitong puting polo na binagayan ng maong na kulay itim at saka rubber shoes na kulay puti.
Kapag mauna si Pat sa kaniya ay lihim niyang hinagod ng kaniyang tingin ang kabuuan ng kaibigan at sinasabayan ng mahinang buga ng hangin.
“Hay, kailan kaya niya mapansin na nandito lamang ako? Ako…ako, na laging humahanga sa kaniya at nagmamahal higit pa sa isang kaibigan.”
“Oh, anong kinikibo-kibo ng bibig mo riyan ha? Bakit nakatingin ka sa bandang puwitan ko?” biglang natanong ni Pat sa kaniya nang bigla siya nitong lingunin.
“A-ano? Ako, nakatingin sa puwitan mo? Ah sus, huwag ka ngang an
