Inayos niyang muli ang ina, pinainom ng gamot at saka nagpaalam na aalis papunta kina Maam Edna.
Ilang oras pa ang lumipas ay may taxing pumarada sa tapat ng bahay nina Maam Edna. Dumating na ang kapatid nito kasama ang asawang Intsik at may isang guwapong binatang sa tantiya niya halos kasing edad niya. Anak pala ito ng kapatid ni Maam Edna.
“Gennie, nandiyan na ang mga bisita ni Ate Edna,” sabi sa kaniya ni Aling Dolor.
“Oo nga po Aling Dolor. Mukhang andami ng kanilang mga dala. Teka, tutulungan natin silang maibaba ang mga ito,” wika rin ni Gennie.
Agad silang lumapit sa mga bisita at saka tumulong sa pagbaba ng mga gamit at dinala na rin sa loob ng terasa.
“Ate Edna, kumusta na po kayo!” sigaw ng kapatid ni Maam Edna nang makababa ito sa taxi at sabay na yumakap at humalik sa ka
