JOSEPH'S POV....
HINDI ko alam kung bakit hindi ko maalis-alis ang paningin ko sa batang sinasalinan ko ng dugo. Parang may kung ano ang humihila sa akin na lapitan ko siya at yakapin. Pero kahit gusto kong gawin iyon ay hindi puwede. Nasa maselan na kalagayan ang bata, at bawal siyang basta na lang hawakan.
Hanggang ngayon ay naninikip pa rin ang dibdib ko, habang pinagmamasdan ko siya. Parang nadudurog ang puso ko, habang nakikita ko siya sa gano'n na ayos. Walang malay-tao, naka benda ang buong ulo, at puno ng galos at pasa ang mukha. Pumutok din ang labi niya at namamaga ang bahaging iyon na may sugat, samahan pa ng dalawang klasing tube na naka lagay sa kanyang bibig. May oxygen din siya sa ilong at life support. Ang isang braso niya ay naka semento, habang ang katawan niya ay naba
