نتيـجة عشـقي بنـاتي

الفصـل الثامن

رواية : نتيجة عش*ي بنـاتي

بقـلم: حوراء الوائلـي

الفصـل الثامن من الجزء الأول

_____________________________________________________

عندمــآ تعتقـಿـد آن گل شـيء تغير مــن حولگ

يفـتح آللهہ لگ بــآب يغنيگ عن گل شــيء

غدير، ،،،،،، مرت حياتي طبيعيه. بين وجود سماح وبين غيرتي منها

الي اني داخله حرب بين غيرة القلب وحكمه ال*قل. بعد ما مر اسبوع على وجود

سماح رجعت زارتنه كحلاء جنه اني وسماح كاعدين دالعب وية ليث واضحكه والفطير يموت عليه يعيف امه ويجيني بسرعه تعود عليه واني كولش حبيته العصر

ساعه ب 5 وجو حلو فارشين بالحديقه وندك الباب طلعت سماح فتحته وفاتن هيه وكحلاء وكحلاء حيل متغيرة وضعفانه معبالك اجتني قبل اسبوع جنها العافيه وكفت

غدير، ،،، يا هلا زارتنه البركة نورتينا

كحلاء، ،،،، هلا بيج گلبي البيت منور باهله

غدير، ،،، تفضلي اكعدي حبيبه

كعدت كحلاء وسماح جابت عصاير وكيك وحلويات جنه اني وياها مسوينهن وكعدنه

سماح____ كحلاء شو متغيرة ووجهج مصوفر خيرج

غدير _____ اييي صحيح باعي وحتى ضايجة هم هيه حجينه هيج وانفجرت بالبجي كمنه حضناها وطبطبنه عليها

كحلاء شبيج ياعيني ليش دتبجين بس فهميني

سماح ______ بعدوينج القهر والدمع كومي ياعيني ليش دتبجين.

كحلاء _____ ولجن جابها جابها للبيت وشفتها

سماح و*دير _____ مصدومات

منو هيه، ،،،، حجت سماح

كحلاء ______ هاي الي تزوجها علي اسمها جواهر ام البنات

غدير ______ هاااا يعني ضرتج

كحلاء _____ لتكولين ضرتي ماحبها ماحبها

سماح _____ ياعيني دعيفيها هو يحبج الج على شنو بعد مقهورة

كحلاء: ماعرف ياسماح بس والله مقهورة يعني مجرد الفكرة تاذيني واني اعرف انو هو عندة مشاعر تجاها يعني بس لو تشوفين شكد انقهر من افكر بالموضوع

هو مديبينلي هل شي علمود لا انقهر واضوج بس اني اشوف لمعه بعيونة من يروح

مانكر يحبني اكثر واعرف هل شي بس لتنسين يبقى رجال وميسيطر على نفسه وبعدين انتي مشفتيها شون حلوة والله كلش حلوة عليها عيون كارثة

لونهن ازرق وكبار ولاعبالك عليها كل هل قهر والحزن وعندها بنات ثنين بعدها شابة وصغيرة

.

.

.

غدير ; كحلاء جان كلامها صحيح مهما كان تبقى تتأذه اني صح تاقلمت وية وجود سماح لان ما اشوف عندها اي شي محلو بس يبقى شعور الغيرة يقهر يشهد الله عليه منمت ليله بدون ما ابجي لان بمجرد فكرة تاذيني لهل سبب كحلاء متنلام

الزوجة الثانيه تخليج تحسين بنفسج غير مرغوبة او بيج نقص وحتى تحسين البيت مو بيتج وميصير تبقين بي وماكو اصعب من هلشعور جنت اتمنى حيدر يطلق سماح اعرف افكر بغرور لكن لحد هل لحضه وكل ما اشوفها كدامي احس بالغيرة

اوووف الله يساعدج كحلاء .... حجيتها وتن*دت حكلاء ونزلت راسها للكاع وكانو

هم جبال عليها ... بعدين باوعتلي سماح وكانها فهمت انو اني قصدتها بكلامي

درت وجهي وجان اشوف ليث ورفعت ديلعبون منتبهت لمن فاتت رفعت وية امها

لكن جانت بوقتها تنطي شبه لكحلاء يمكن مو بالشكل لكن بالدم بقيت صافنه عليها

واشوفها شون تلعب تن*دت وخليت ايدي على بطني واني اتذكر كلام حيدر

البارحة من جنت وياه بالغرفه وكال انو ميريد بنت ودار وجهة ونام واني نمت

بقهرتي ودمعتي بعيني وافكر ليش ميريد بنت هو لمن ولدت كحلاء بنت جان كلش يحبها وحتى او هو الي سماها رفعت لان هل اسم جان عاجبه طبعا الي كالتلي هيه تهاني بانو حيدر سمه رفعت وعلى طاري تهاني طلعت من البيت واجتنه وهيه مبتسمه

تهاني: هلوو كحلاء شونج

كحلاء: هلا توته شونج انتي عمري

تهاني : الحمدلله. بخير اسئل عنج

حكلاء. :تمام حبيبتي

تهاني: وين عبوسي ورفوعه

كحلاء: عباس بقه ويه ابو ورفعت هياتها دتلعب ويه ليث.

غدير؛ صاحت تهاني ل رفعت واجتها وبقت تلاعبها وليث اجه بحضني كعد وبقت تباوعله سماح وهيه مبتسمه

سماح: اكولج غدير

غدير: كولي

سماح: اذا لاسامح الله صار شي الي ليث امانتج

غدير: اسم الله عليج بعدج شباب عمري ليش تفاولين على نفسج

سماح: مهما كان غدير لتنسين هذا امانتج لان انتي اول وحدة اشوف ليث يسكت عدها اتمنه منج تحبي ومتعتبري غريب عليج

غدير: جانت سماح تحجي وعيونها بيهن لمعه وحنيه تجاه ليث نغزني كلبي منها وليث جان يسمع كلام امه وكانو يفهمه يباوع عليها ويبتسم وكف من حضني وهو

يادوب يخطي سريع باسني بوسة طفل بريئ وراح حضن امه حضنته سماح وشمته من ركبته وكانو راح تفاركة جانت كحلاء تباوعلهم وتبتسم اما تهاني تلاعب ب رفعت

وتستمع النه وكفت رفعت من حضن تهاني واتجهت لسماح

رفعت: هذا شنو اثمه وتاشر علا ليث

سماح: ابتسمت لرفعت وخلت ايدها علا خد رفعت وكالت اسمه -- ليث

رفعت: الله حلو احبه هذا داده صغيرون

سماح : يعمرري فدوة للبنات واني هم احبج

رفعت: ايي اني احبه واحب اخوية عباث (عباس)

سماح: فدوة للبنوته الامورة

رفعت: بث اني احب. هيفين وهيلين اكثر هنه حلوات

غدير: تفاجانه كلنه وبقينه صافنين على رفعت وين شافت هيفين وهيلين بنات جواهر حته حبتهن

كحلاء: لجج رفعت تعالي هنا ماما منو هذن هيفين وهيلين

رفعت: بنات خاله جواهر.

تهاني: عمتو رفوعه وين شفتيهن

رفعت: رحنه اني وبابا وعبوثي الهم امث. (امس) وية بابا وهاي حامث (خامس) مرة نروح.

غدير: خالتو رفوعه متاكدة بنات خاله جواهر وين شفتيهن

رفعت: اوووف ثئلتن هواية اكولجن شفناها ويه بابا وعبوثي وانتن ثئلتن هواية

سماح: زين حبيبتي اخر سؤال وين بيتهم

رفعت: هناااك بعيد (وتاشر بيدها)

غدير: ما ان. كملت رفعت كلامها وسحبت ليث من ايدة وركضوا وبدت تبجي وبحركه وكامت الها تهاني وطبطبت علا ضهرها وتواسي بيها

كحلاء: تبجي بحركة وتحجي ---- تهاني ولج طلع يروح الها دائما والمصيبه ياخذ وياه رفعت وعباس ولج يريد يعودهم عليها سمعتي سمعتي وتحب بناتها اكييد تحبهن

بنتي رفعت لان طلع دائما ياخذهم الله واكبر حسبي الله ونعم الوكييل ليش ليش يا علي ليش ..... ورجعت تبجي وتشهك وبصوت مسموع و قهر محبوس طلعته خطية جانت حيل متاثرة بالي ديصير وياها اوووف.

بهل اثناء: فاتت رنين. طبعا رنين ممتزوجة بس علياء واسيل ورباب متزوجات اما تهاني ورنين ممتزوجات وعمرهن تهاني 17 ورنين 18 فاتت رنين وسلمت علينه

وقتها سكتت كحلاء وجانت رنين مبين عليها الحزن والقهر وعيونها هالات سوداء جواهن وخشمها احمر وخدودها حمر وكانو هسه باجيه التف*نه عليها وسئلناها

كحلاء: شبيج رنين ليش هيج عيونج شكو حبيبتي

غدير: عمري بيج شي ليش هيج وجهج

جانت تباوع علينه وساكته

تهاني: خيتي شبيج يانضر عيني ليش هيج وجهج احد مأذيج

سماح: احجي رنين خوفتينه عليج

رنين: ما ان كملنه. اسئله وشفناها انفجرت بالبجي وغطت وجها بايديها وتمنع صوت شهكتها يطلع وصررخت اخر شي وهيه تحضن كحلاء بقوه وتبجي وتشهك

بقينه مصدومين عليها وشبيها وليش هيج تهاني بقت تسئل وهيه خايفه

اما كحلاء. رفعت راس رنين ومسحت علا شعرها وةسحت دموعها وسئلتها

كحلاء: شبيج رنين فهميني ليش دتبجين احجي

رنين: كحلاء تزوج ولج واليوم زفته

غدير: انصدمنه ومنو هذا الي تبجي عليه رنين

تهاني: منو ولج احجي

رنين: مسحت دموعها وسكتت وبدت تحجي واحنه نسمع الها وكلنه اذان صاغيه

رنين: وائل ابن ام مهيمن تزوج ورجعت تبجي

غدير: اي نعرف تزوج وعمتي معزومة لعرسه وراحت وعمي والولد هم هناك

سماح : واحنه هم عزمونة بس مارحنه لان خفت خاف غدير متتحمل هناك

كحلاء: يي ندري شنو الجديد بس انتي ليش تبجين

تهاني: رنين باعي عليه وركزي وياي انتي شعندج وياه واذا تزوج شنو يعنيلج معليج بي

رنين: تهاني والله والله احبه مو بيدي شكد حاولت اشيله من راسي بس ماكدر

سكتنه لحضات واحنه نشوف شون قلبها محروك وبعدين حجت تهاني

تهاني: لجج انتي شبيج خبله شوون تحبين الشخص الي تحبه صديقتج

غدير؛ اشرتلنه سماح انو نسكت اني. وكحلاء ونسمع كلامهن

رنين: والله هيه لان تعرفني احبه راحت تقربتله وخذته

تهاني: بس يارنين. احنه نعرف من زمان اني وانتي انو اماسي بنت ابو فارس تحبه وخطبها وتزوجها واعتقد سمعتي بالمدرسة شون تحجي عليه وتكول يحبني

رنين: لا والله تدري بيناتنه علاقه وخربتها وتدخلت وفرقتنه هيه وصديقتها هاله وراحت ترسن راسه كلام عني وزعزعن ثقته بيه وخلنه يكرهني وساعدتهن بهل شي اخته هدى واخته بثينه

تهاني: بس اذا يحبج صدك ميتخلى عنج لمجرد كلام عادي من هذن الخبيثات

رنين: مو هنا المشكله هذن الحقيرات. لمن جنت احجي وية سنان ابن عمو حاكم وهو يوصلني للمدرسة رايحات خواته هدى وبثينه وكايلاتله راقبها وشوف الولد الي يوصلها وهو بدون مايسمع مني او يعرف منو سنان عافني وراح خطب اماسي لان يعرفها تحبه

تهاني: اوووف وليش مشرحتيله وفهمتي انو سنان ابن عمو ومتزوج هماتين

ولتنسين زوجته نهاد شكد تحبه يعني لو محاوله تفهمين وائل هل كلام وقتها حان صدك كلامج وتراجع عن تصرفه

رنين: وهيه تبجي وتشهك مانطاني مجال افهمه والله ولاكدرت احجي وياه هم وراااح من ايدي اوووف والنبي مقهوررة مقهورررة اليوم راح من حضني واني الي

جنت منتضرته اكثر من ثلاث سنوات صارلنه سوه من عمري 15 سنه احبه ومتعلقه بي وهسه عمري 18 واني بعدني احبه نلس اول ونفس لهفتي واليوم خذته عالجاهز مني وضاع حب سنين بيناتنه خللصصص كولشي انتهى كولشي انتهى اوووف ربي وبقت تبجي وتشهگ

كحلاء: مسحي دمعتج عمري ولتبجين على شخص مقدرج ماشي

غدير : صحيح كلامها اتركي خلي يولي. اعرف صعبه بس حاول تنسي

سماح: نعرف كولش زين انو من الصعب تنسي بس حاولي لان هسه هو صار لغيرج ومو من الصح تفكرين بي. وانسي وعيشي حياتج

رنين: شون تردن انساه واحنه اربع سنوات سوة تعرفيين عرفته من جان عمره 24 وهسه عمرة 27 جان بدايه ال 24 وحبيته ويكلي بنيتي احبج وهسه صاررر لغيري