نتيـجة عشـقي بنـاتي

الفصـل التـاسع

رواية : نتيجة عش*ي بنـاتي

بقـلم: حوراء الوائلـي

الفصـل التاسـع من الجزء الأول

_____________________________________________________

‏من تقلّبك في الفراش، من شرودك الطويل، من موسيقاك الهادئة، من اقتباساتك الأخيرة، تبين لك، كم غيّرك هذا الحب

.

.

.

رنين: رجعت امشي بالشارع وحدي لان اليوم صديقتي هبه ممداومة جنت صف ثالث متوسط والطريق حار والشمس تصگع براسي. واني بطريقي ومنزله راسي ومخليه الكتاب عليه وممنتبهة بس اريد اوصل للبيت بعد فرعين عن البيت وردت ادور هذا الفرع واصطدمت بولد

رنين: ثول شبيك متشوف اعمى انته عابت

وائل: هو اني لو انتي تمشين عبالك مشغله محرك

رنين: ديلا وخر منا وخر يلا

وائل: وخرنه عيني اسفين على الازعاج ست

رنين: دنكت الم اشيل كتابي الي وكع من ايدي بسبب هل شاب وسمعته كال

وائل: سبحان الله هاي يمكن شاردة من الجنه

رنين: رفعت راسي وكلت ___ يي هسه اني عفت الجنه واجيت لوجهك الزفر

وائل: صفنت بيها شنو هاي من بنت كارثه. تحمحمت وحجيت

وشبيج هسه اني شحجيت

رنين: لاسلامتك محجيت شي بس تتحرش

وائل: هذا مو تحرش يل ثولة

رنين: لعد شنو يا استاذ فهمني

وائل: هذا غزل فديت هل عيون

رنين: ايباااه غزل لا عيني هذا تحرش وهم تحرش علني بنص الشارع متستحيي متكول عندي وات والي متقبله على اخواتك ليش تقبله على غيرك ياحقير

وائل: عضه الاصبع ندامة وعضه الركبه غزل __ التحرش يعني الزمج من فد مكان من جسمج ?

رنين؛ شكد صلف ومتستحي انت

عفته ومشيت واني شايطة من وراه اول مرة اوكف وية ولد بالشارع. واحجي وهذا الحيوان هيج ديحجي. عابت

وائل: عاف*ني ومشت ومن يومها بقت بعقلي ووصفتها لاختي بثينه

وائل؛ اكول بثينه تعالي شوية

بثينه: هاا وائل كول

وائل: اكولج قبل يومين جنت راجع للبيت وصدمت ببنيه شكرة وعيونها لونهن مو معروف وبيضه كولش وشعرها طويل ومربربة جسمها ماللت وحدة جبيرة بالعمر بس شكلها صغير هاي موجودة وياجن

بثينه: امممم تقصد على صديقتي

وائل: يعني هاي الحلوة ويااج

بثينه: ايي ويايه صديقتي بنفس العمر اني وياها

وائل : وشنو اسمها بله

بثينه: ايبااه وليش بله تريد تعرفه

وائل: شبيج بثينه ليش تخليني اتندم حجيتلج انطيني اسمها

بثينه: تمام انطي بس بشرط

وائل؛ احجي خلصيني

بثينه: تشتريلي جبس ليز ونستله. وقلم ابو اربعه الوان هسه شفته وعجبني

وائل: بسيطة هاي اشتريهن الج مو مشكله بس كولي

بثينه: اسمها رنين بنت بيت ابو علي اخوانها محمد وعلي من ابوها هيه ماعدها بس خوات

وائل: اهاا يعني اخت حيدر وعلي ومحمد اصدقائي

بثينه: ممم حيدر منو هذا

وائل: صديقي اخوها الضاهر بس مسافر يلا ولي

بثينه: ايي عيني ناس وقت المصالح تجي

وائل :تولين لو اركع راسج بالحايط بثينه

وسام: اخو وائل الاصغر عمرة 22

شكو شبيكم تتعاركون

وائل: هيج شغله سئلت بثينه عنها وطولت بالاجابة وتعاركنة

بثينه: ايي عيني طولت على حضرتك موو

وائل: تولين لو شلوووون

وسام: بثينه فوتي جوة وبلا هل خريط هذا يلا بسرعه

هدى: اكوول بثينه وائل شيريد

بثينه: لج هدى تعالي هذا اخوج معجب ب رنين وسئلني عنها

هدى: عزززة الله ياخذها انشالله اموت منها

بثينه: يي والله لو مدري شيصير ولا اخليها تتقربله

هدى: ايي عفيه خيتي مانريدها كافي علينه ايلاف زوجة مهيمن الدور تجي هاي الحية الثانيه

بثينه: يي والله كافي ايلاف الدور رنين

.

.

.

.

.

ايلاف: جنت واكفه واسمع كلامهن عليه وعلى رنين اووف منهن هل حقيرات والله استغرب هذن بنات عمتي ام مهيمن المرة طيبة ومايوم سمعتني حجاية لو غثتني بالع** تحبني وتخاف الله بيه وحته ولدها مهيمن زوجي مدللني يموت عليه تزوجني

واني عمري 18 وصار 9 سنوات سوه هسه عمري 27 والولد حمويني وائل وردة وحباب ومايوم غثني ومعتبرني اخته و وسام فقير وحباب صح عصبي مينجرع بس

من يهداء اخذي الثوب الي عليه و عصام بعمري ومعتبرني صندوق اسراره

وعمي رحال جبير وحاط الله بين عيونة بس هذن الاثنين هدى وبثينه مثل متكول

طفرة وراثيه علا هل حقد هذا يكرهني واني رغم كولشي احبهن اكول يجي يوم ويتبدلن بس ماكو كل ميكبرن يزيدن بحقارتهن اشتتغل وانضف ويكولن ايلاف كاعدة ومستراحة واحنه ننضف لحضرتها

هدى: اوووف يماااا يعني اني عمري 14 سنه واشتغل وعندي دراسة وبثينه عمرها 15 ووزاري هل سنه ودنشتغل وم**ور ضهرنة وايلاف كاعدة وساكته

ام مهيمن: لجج يمه شبيجن البنيه حامل بشهرها ومتكدر تتحرك وبعدين هو يايوم اشتغلتن هو هاليوم هذا ودتحجن على هالمسكينه

بثينه: يمما اريد اعرف منو بناتج احنه لو هيه

ام مهيمن : هيه بنتي واحبها من حالجن بس انتن تخبثن ماعرف علا منو طالعات هيج خبيثات البنيه فقيرة وتشتغل وتخاف الله بيه ومداريتني وتحترمني اكثر منجن وممعليه صوتها بوجهي مثلجن يابزر بطني

هدى: الله يعلم شمسويتلج وهيج تحبيها

بثينه: ايي والله هل حيه هاي ام السحورة ساكنه السحارات هيه وامها وخواتها

عصام: ولجنن شبيجن صوتجن واصل لاخر الدنيا بثينه وهدى

بثينه: ياخوية انت شبيك هم معصب علينه والله تعبانين وهاي ايلاف كاعدة وساكته

هدى :والله ياخوية دشوفها شون مستراحة واحنه تعبانين

عصام: حقجن تتعبن من الكعده اليوم اول مرة اشوفجن تشتغلن وبعدين ايلاف مدتشوفنها حامل بشهرها واطفالها كافي عليها امير و فرح يردولهم حيل واحد صاحي وامهم. مريضه وتردنها تشغل

هدى: ييي انت شتوقع منك جنت يم المحروسة خطيبتك اكييد وزتك علينه

بثينه: منو غيرها هل حية الثانية معرف شعجبك بيها انت وامي واخترتوها

عصام: هددددددى وبثييينه فوتن من خلقتي بسرررعه يلاااا

راحت يرمض ويدردمن حيل يستاهل واكثر بعد والله متعباتني ومنا خطية عصام ن**ور ضهرة بالعماله فوك شغله لان العيشه صعبه منا مصرفه ومنا مصاريف

عرسه لان ديريد يزوج خاطب ومصرف لاهله يساعد ابو واخوانه خطية يادوب يلحك

يستراح ومهيمن ضابط اما وائل جان توه متخرج من الهندسه وديشتغل موضف ويه

واحد عندة محلات واسواق تغذيه. لان ماكو تعين ومتكفل بمصرف وسام لان كليه مرحله رابعه صيدله وهواية مصاريف وينطي لخواته وكل وممقدرات وعمي عندة

بيت ماجرة وديصرف بفلوس الايجار وهل قاسمه الله ناكله ومعيشنه وهنه يتبطرن

اووف معرف يمته يحسن بالمسؤليه

بعد مرور خمسه اشهر كدر عصام يجمع فلوس وتكاليف عرسه وفلوس الغرفه وغيرها وكمل كلشي ودزة لخطيبته ياسمين فلوس صالون وحجز بدلات وتزوجوا

الحمدلله وانطاهم هديه مهيمن 200 الف دينار يسافرون لاربيل بيهن لان قبل ال 200 كولش هواية ف*جع منهن عصام لمهيمن بس رفض مهيمن وخلاه ياخذهن و

وياخذ زوجته وراحو اسبوع ورجعوا واني بهل فترة ولدت ولدي التؤام سلام وهشام جانو نسخه عن مهيمن سمر وعيونهم بنيه وكلش متشابهين جانو من مواليد

1994 اما امير ابني الجبير عمرة بوقتها 8 سنوات مواليد. 1986 وفرح عمرها 4 سنوات مواليد 1990. بعد زواج عصام وياسمين بقتن بثينه وهدى نفس سمهن

وحقارتهن ويايه ويه ياسمين هماتين ياسمين جان عمرها 20 حملت ورة شهرين من زواجها

وبداية سنه ال 1995 ولدت. بنتها أمل وكذلك مخلصت من كلام بثينه وهدى وانو ميصير عدها ولد بس بنات لان اول خلفتها بنيه عمتي وعمي وحته الولد مجانو

يعرفون هل كلام بس اني وياسمين وجنت اصبرها واكلها انو هذا كلامهن وياي جان لمن ولدت فرح وجانن يكولن بعد ميصير عندج ولد والا نزوج مهيمن وقنعتها انو

عصام يحبها وميهتم لكلامهن وبعد فترة تحسنت اوضاعنه كولش وكدرنه نكون نفسه اني وفارس وبعد ماضاق بينه البيت قررنه نطلع انطانه عميي بيت وطلعنه بي مو

البيت الايجار انما واخد ثاني لان عمي عندة اربع بيوت ثلاثه بنائهن حديث بس صغار عبارة عن 3 غرف واستقبال وصاله ومطبخ حار وبارد وحمامات داخليه وخارحي

وطابق ثاني ممبني هذني مماجرهن ماجر واحد ومخلي هذن النه يعني لولدة مهيمن وعصام و وائل رح بعد ميتزوج ويصير عنده اطفال يطلع للبيت الي ماجر اما

وسام فيبقى بالبيت الجبير طلعنه اني ومهيمن بيت وحدنة صدك ارتحت منهن ومن شرهن وجهالي صارو يلعبون براحتهم بدون ما احد يض*بهم او يسممهم بحجايه مثل

عماتهم طبعا بهل فترة والي صار عمر اطفالي بيها سنتين قررنه نبني الطابق الثاني وفعلا كملناه مهيمن اجته سفرة للخارج مدة شهر طلبت منه يروح بعد ماكان رافض الفكرة لكت اصريت وراح واني رحت لاهلي بالناصرية:

ام ايلاف: يمه ايلاف زوجج شوكت يرجع

ايلاف : يمه يرجع بعد 25 يوم لان هيه مدتها شهر

نور (زوجة فاهم) اخو ايلاف: اهاا يعني حتبقين شهر هنا

ايلاف: اي عيني

نور: يووو وهل جهال كلهم وياج جان بقيتي بيتج

ايلاف: انقهرت وسكتت مكدرت احجي لخاطر اخوية فاهم لان هو طيب

ام ايلاف. : ولجج نويره جوزي من البنيه مكاعده على كلبج كاعده بيت ابوها واخوها مو بيتج

نور: عمه انشالله يصير بيتي اذا الله اخذ عمرج

ايلاف: اسم الله ليش تفاوليين ولج نور مو عيب عليج هيه مو بعمر تمج شون هبج تحجين عليها صدك متستحين انتي عابت لهل وجه

نور: يووو اكوم اروح احسلي من مباقيه هنا الله يعيني

ولج سرور تعالي ماما لتلعبين وية فرح تاذيج

ايلاف: نور جوزي من الجهال عيب عليج تخليهم واحد يكره الثاني ميصير هيج هلشي غلط هذول مثل الاخوان ترا والله اكول لفاهم عليج واخلي يربيج الضاهر

ممغزر بيج الزاد الي بينه والله ثم والله اذا مجزتي من هل تصرفات اندمج

بهل اثناء فاتت جواهر اخت نور للبيت وسمعت الكلام

طبعا جواهر صديقتي من بغداد تعرفت عليها اهلها يم بيت زوجي وتختلف 180 درجة عن نور يعني وردة وحبابه كولش جانت متزوجة هنا بالناصرية وعدها بنات اثنين هيفين وهيلين

جواهر: سلام عليكم شونج عيني اهم فاهم

ام فاهم: هلا بنيتي هلا يمه

وسلمت عليه هماتين

جواهر: خاله عذريني على تصرفات. نور ترا والله هيه طايشه ومخربطه ومتعرف تتصرف عذرينه

ام فاهم ؛لا داده لتهتمين تتحسن انشالله

عاف*نه نور وطلعت طبعا جواهر صديقتي اخت نور من بغداد هنه بيتهم عن بيت عيالي مسافه ثلاث افرع عجبتني نور وكلت لاهلي عليها وخطبناها لاخوية فاهم الي

هو عمرة 25 وهيه عمرها 22 طبعا رغم كولشي وتصرفاتها الا انو تحب فاهم وهن يحبها هيه صح تتجاوز بالكلام وهواية بس بسرعه ترجع وتلين اماا جواهر

فتزوجت عن حب هنا بالناصرية والصدفه زوجها جيران اهلي. بهل فترة يعني بنهاية ال 96 توفه زوج جواهر ورجعت لبغداد واهلها عذبوها وهوااية هم لذلك

اطرت تتزوج علي بالسر اخو رنين الي يحبها وائل وهلشي جان قليلين الي يعرفون بي فقط حته يحميها لذلك فاهم خاف علا نور اخاف يصيرله شي لذلك سجل بيته

باسمها هوه عايش ويه اهاي لكن عندة بست فسجله باسمها كضمان اله ولابنائه الاربعه

عائلتي تتكون من امي وابويه واخواني حازم ولازم وفاهم

الاكبر حازم متزوج ضحى سنيه وعندة هم اربعه اطفال صح مو صغار لا بيهم كبار

ولازم متزوج سناء بنيه بمنطقتنه انتقلوا من الغربيه وهو حبها وتزوجها وعدهم هم 4 أطفال والحمدلله عايشين . هاي هيه عائلتي حازم

عندة بيته وحدة. اما لازم فهذا بيته و فاهم عنده بيت بس عايش وية اهلي

رجعت لبيتي بعد ما مهيمن رجع من سفره اجاني ورجعت وياه لبيتنه وبهل فترة

الي بقيتها نور اعتذرتلي وماكانت تسمعني كلام ابدا سناء جانت فقيرة وحبابه ومعليها باحد بس جهالها وزوجها ومحترمة ماما وبابا بس العله نور تزلف بالكلام هواية

.

.

.

رنين: ومن هذاك اليوم واني بقى هل شاب براسي جان حنطاوي وعندة لحيه وغمازة تك خد ركزت بيها من جان يحجي صرت اروح وارجع من المدرسة هوا

يوصلني ويرجعني ويراقبني الا احيانا جنت ما اشوفه لهل سبب جنت اضل بحيرة ووين راح ووين اجه وابقى انتضرة واحس بالغيرة من اشوف وحدة غيري تباوعله

صار بينه تواصل وعرفته يحبني ويموت عليه وجان يتصل بيه من خلال التلفون الارضي بالسر ويحاجيني ساعات باليل وسدزلي رسائل من يكون الشارع فارغ بهل

فترة لاحضت شكد هدى و بثينه يكرهني. وحقدهن يزيد عليه ويبسمرن ولاحضت شكد يمشن ويه اماسي وهاله وبيوم من الايام اجانه سنان ابن عمو هو وزوجته

نهاد وبقوا عدنة فترة وراحو وبهل فترة سنان. يوصلني ولاني التهيت عن نائل فكر انو بعد ما اريدة لكن كتله عدنه ضيوف وهو هم قبلها بفترة عنده ضفوطات بالعمل

وهل شي استغلنه بثينه وهدى واماسي وهاله وخربن علاقتنه هوواية وترسن راس وائل عليه وكلله عندي علاقات ومدا اتصل بي لكن بالحقيقه انو التلفون ان**ر

بعد ما وكعه عباس ابن علي واستغلن هلشي ضدي وفعلا تزوج وائل واني كل هل فترة مشايفته وگلبي يلوب عليه ورحت يم كحلاء وتهاني و*دير وسماح ارتاحيت

يمهن بس بقت غضه بكلبي رجعت للبيت واني مقهورة اشترى حيدر تلفون النه بدال الي ان**ر لكن بعديش بعد ما فات الاوان وانتهى كولشي جنت انام ردمعتي بعيني

واكعد ودمعتي بعيني ما اشتهى اكل ومالي مزاج لاي شي بقت تهاني تمرلي كل قترة لان بيها صادفت عطلة واني عندي فاينل ساعدتني وخلتني انتبه لدراستي

ودخلت دروس تقوية وامتحنت وطلعت معدل 82 قدمت القبولات وانقبلت كليه تربيه اساسيه قسم اللغه الانكليزيه وطول هل مدة وائل بعده بگلبي صح مرت

شهرين بس اني ولا نسيت بهل قترة غدير صارت حامل بشهرها ال 7 نهايته. والي جنه متخوفين منه ولادة هل طفله شون حتصير مع وجود حيدر الي ميتقبل

البنات ليش وشنو السبب محد يعرف هو لمن انولدت رفعت كوولش حباها وهو سماها بس ليش. هسه ميريد البنت الي حامل بيها غدير هذا هو الشي الي نريد نعرفه كلنه

بيوم كاعد ودنيا ضهر وامي وابويه مموجودين رايحين زيارة لكربلاء وجنت متفقه وية سماح تبات يمي والضهر وفات علينه حيدر:

سماح: عزززة بعينج سماح ولك حيدر ليش ملابسك هيج كولها دم

رنين: اخوية فدوة لكلبك بيك شي ليش هيج ملابسك دم من فوك ليجوة

حيدر: اهوووووو ب(عيطه ) توخرن لو شلووون يلااا مناااا ماريد اشوفجن

وفات للحمام وقفله شوية وسمعنه صوت ت**ير وبعدها طلع حيدر ووو

.

.