“I HAVE a scheduled flight tomorrow, hindi ko mababantayan si Kuya,” Klay said before he glanced at his wristwatch. “Aalis na ako mayamaya.”
Bumuntonghininga si Krid. “May bisita ako sa bahay. Hindi ko rin siya maaasikaso,” aniya sabay lingon kay Drav.
“I can look after him, but I need to fetch my mother first. Huwag munang umalis ang isa sa inyo, babalik na lang agad ako,” sabi naman ni Drav.
Nilingon ko si Yosef na natutulog sa aking kama. Dito nila siya nadala sa tinutuluyan kong kwarto dahil ang akala nila ay sarado ang kabilang silid. He looked very tired. Ang rinig ko ay halos wala siyang tulog. Nalaman ko rin sa pinsan niya na naglalasing siya kaya naman binabagabag ako ngayon ng pag-aalala. Ang takot ko sa kaniya, bigla na lamang naglaho. Ang makita siyang ganito ay sadyang mah
