“HINDI naman yata maganda, Leal, na makikinabang sila sa’yo habang tayo ay walang matatanggap mula sa kanila,” kontra ni Auntie Mayette nang lapitan niya ako sa gilid ng stage habang sine-celebrate namin ang success ng aming kalalabas lang na proyekto. “Bakit kasi hindi mo muna sinabi sa amin ng Uncle mo, para kahit papaano ay nasegundahan ka namin?”
“Desisyon ko po ito, Auntie,” sabi ko. Humalukipkip ako at binalingan ng paningin ko ang mga employee naming kasalukuyang nagkakasiyahan. “At nagkakamali po kayo, ang dami po nating natanggap sa kanila. Nakakatuwa nga po na nakaahon tayo.”
“So, ang ibig mong iparating sa akin ay kuntento ka na rito? Sa ganito lang?” amok niya pa. Marahas siyang huminga. Hindi ko alam kung sinadya niya bang ilapag nang malakas ang hawak niyang wine glass sa m
