“BUSY ka raw sa office,” kalmado kong sambit. “Marami kang trabaho?”
Tinitigan niya lang ako. Kalalabas niya lang ng bathroom galing sa pagligo nang pabalikin ko siyang muli sa loob. Pinapwesto ko siya sa sink patalikod sa round mirror. Ako naman ay nakatayo sa harapan niya habang aking nilalagyan ng shaving foam ang chin niya, at ilang bahagi ng kaniyang panga na tinutubuan ng mga stubble. I miss doing this to him.
“Ako rin. Medyo naging busy ako sa opisina these past few days. Kinailangan ko ng mas mahabang time,” pahayag ko pa.
Umalalay ang kamay niya sa aking baywang at ipinanatili niya iyon doon. Duster lang ang suot ko kaya ramdam ko ang init ng kaniyang palad. Itinagilid niya ang kaniyang mukha upang mas mabigyan ako ng laya sa ginagawa ko sa kaniya. Alam kong pinakikiramdaman ni
