KINAGABIHAN, hinintay kong makatulog si Mama Helina. Buong hapon niyang dinamdam at iniyakan ang sinabi sa kaniya ni Yosef. At ang bilin sa akin ni Manang Seda, huwag ko raw itong ipapaalam kina Klay at Krid dahil baka mas lumala pa ang sitwasyon kung pati ang magkakapatid ay magkakagulo.
Sobra akong naapektuhan. I can’t believe Yosef could say that, sa harapan pa mismo ng kaniyang ina na walang ginawa kundi ang humingi ng tawad. Kaya kanina ay hindi ko na naiwasan mainis sa kaniya at ma-disapoint nang matindi. Pagbaligtarin man ang mundo, Mama Helina is still his mother. Kahit gaano pa kasama ang nagawa nito sa kanila noong nakaraan ay hindi pa rin tama na makatanggap ito ng ganoong salita, lalong lalo na kung manggaling iyon sa kanila.
“Hindi ka pa ba ulit tinatawagan ni Yosef? Gabi na
