“WEAR this, Yosef. Kahit ngayong gabi lang. Mas bagay sa’yo ang may neck tie,” pangungulit ko sa kaniya habang pilit kong inaabot ang collar ng suot niyang polo. “Sayang ang effort ko sa pagbili nito kung hindi mo gagamitin.”
Ngayong gabi gaganapin ang nabanggit na business ball sa amin ni Ian na dapat raw ay madaluhan ni Yosef. Katulad last time, ako pa ang pumilit sa kaniya at ako pa ang nakatanggap ng mga kondisyones para lang pumayag siya. Isa na roon ang pagsama ko ngayon sa kaniya.
Sumilay ang ngiti niya. Hinuli niya ang mga kamay ko at matagal niyang tinitigan ang aking mukha kaya naman inakala kong may namuong dumi rito.
“Huwag na kaya tayong umalis? Let’s just stay home. Gusto kitang masolo,” aniya.
Bumuntonghininga ako at namaywang. “Ang sabi mo sa akin, a-attend ka lang ng b
