“KANINA mo pa tinitignan iyang cellphone mo. Akala ko ba ay pinayagan ka ni Yosef?” pansin sa akin ni Faye habang pareho naming hinihintay ang iba pang kasamahan namin na magce-celebrate ng reunion. “Don’t worry, maaga pa. Kararating nga lang natin.”
Nginitian ko lang siya. Muli kong isinilid sa aking bag ang cellphone kong kanina ko pa binibisita. Baka kasi biglang mag-message sa akin si Yosef. Ayaw kong mag-aalala siya kung sakaling hindi ko masagot ang tawag o text niya.
After ko sa trabaho, sa venue na ako dumiretso. Isang mamahaling club ang napili nila. Alas otso ng gabi ang usapan, pero inagahan namin ni Faye nang sa gayon ay maaga rin kaming makapagpaalam. Habang wala pa sila ay inaaliw namin ang aming sarili na panoorin ang kahanga-hangang performance ng lalaking barista sa hara
