***Belle POV***
SA gitna ng mahimbing kong pagtulog ay naalimpungatan ako sa tunog ng vibration ng cellphone ko. Indikasyon na may tumatawag. Pikit ang matang kinapa ko ang cellphone sa tabi ko at sinagot ang tawag ng kung sino.
"Hello.." Bati ko sa kabilang linya sa inaantok na boses. May naririnig akong mga ingay sa background. May kumakantang boses ng babae at merong mga nagsasalita.
"Oh, you're already sleeping.."
Napadilat ako ng mga mata at biglang nagising ang dugo kong natutulog. Pati ang puso kong kalmado lang kanina ay biglang naging aligaga.
"S-Strike.." Mahinang sambit ko.
Narinig ko ang mahina nyang pagtawa sa kabilang linya. Pero kakaiba ang dating nun sa akin. Parang kinikiliti ang puso ko gaya ng nararamdaman ko dati kapag naririnig ko syang tumatawa.
"Miss me,
