ليجد سيارة تأتى جانبه و لم يكن سوى ذلك المتعجرف الفظ ... عبد ال**د باشا لينظر له و هو لا يفهم لما و قف له بسيارته ليخبره الأخر بأن يركب
مصطفى : شكراً انا هركب الأتوبيس
عبد ال**د بفظاظة و كبر :دا امر مش بمزاجك ...
ليصعد مصطفى معه و هو ينوى أن يقتله ليهدئ الأخر من روعهہ و يطلب من أصعب طلب لم يتوقع ان يطلبه منه
: أنا عاوزك تشتغل معايا بس مش فى المصنع
مصطفى و هو يعلم مقصده ولكن يريد ان يجاريه فى الحديث : أومال ... ؟
عبد ال**د : انا بشتغل صانع سعادة ببسط الناس بس الناس اللى معاها فلوس و تقدر تخدمنى و أنا عاوزك بودى جارد
مصطفى : و دا على اى أساس
عبد ال**د : على اساس الأتنين اللى عجنتهم مع انهم قدك مرتين ... ما هى مش بالعضلات يا مصطفى
مصطفى و هو يفكر فى شئ : موافق ... مهيتى كام
عبد ال**د : 100 جنيه فى اليوم
مصطفى : حلو اوى ... يبقا أتفقنا
عبد ال**د : يعجبنى فيك أن انت بتفكر
