HINDI na nakatanggi pa si Ryan nang magprisinta sina Vince at Celine na bumili ng lutong ulam nang magsabi si Millie na nagugutom ito at nagke-crave ng seafood.
“I like your home… it’s homey,” pagkaalis ng dalawa ay baling ni Millie sa kaniya. Kasalukuyan siyang nakatayo sa may kusina at nakamata lang sa dalaga.
“Thank you, Ma’am,” kiming pasasalamat niya bago siya nagsimulang maglabas ng plato, kutsara’t tinidor na gagamitin sa pagkain. “Maupo na muna kayo, Ma’am Millie habang hinihintay natin sina Ma’am Celine,” magalang na anyaya niya rito at saka hinila ang isang silya para doon ito pauupuin.
“I’m fine,” tanggi nito at saka iginala ang paningin at atensyon sa mga nakasabit na paintings sa pader ng bahay niya at sa mga naka-display na kung ano-ano sa ibabaw ng mga cabinet niya. “Tal
