Janella's POV
Bakas ang gulat sa mukha ni Bernardo nang makita niya akong lumabas sa sasakyan kasunod ni Mama. Nauna na si Papa kanina sa funeral kasama si Bernardo. Marahil alam ni Bernardo ang kalagayan ko simula pa kahapon kaya nagulat siyang nandito ako ngayon.
Sabi rin ni Mama kanina ay hindi alam ni Papa na kaya hindi siya sumabay ay dahil kukumbinsihin niya akong sumama. Marahil hindi sang-ayon si Mama sa relasyon namin ni Kiel pero hindi mababagong iintindihin niya ako kahit minsan ay mahirap na.
Laking pasalamat kong naririto si Mama na makakaintindi sa akin at tutulong na maintindihan ko ang sarili ko at alamin kung ano ang dapat kong gawin.
Kahit na gulat ay mukha namang nakahinga nang maluwang si Bernardo nang makita ako, as if expecting that I'm now okay. Medyo nahihiya
