Para kay ArthurAng bilis kumalat ng balita:
Kol boy, sinaksak, patay.
Pinaligiran ng mga kol boy at weyter
Ang teybol ng lalaking nagkukuwento.
Tanong ng ilan: Sigurado ka?
Sino’ng sumaksak?
Ilang beses?
Naloka ang mga manedyer at resepsyonis:
Kawawa naman
Halika, makiramay tayo …
Saan ba ang burol?
Sa Nueva Ecija?!
Dyuskoday, ang layo! Wa na!
Sabay pasok ang mga kostumer
Nakasaykling syorts
Me handbag na blu;
Tayuan ang mga kol boy
Habang inaayos ang buhok at kuwelyo
Para ngitian ang kostumer
At umarbor ng yosi
At magdispley sa dans plor;
Lapit ang isang weyter:
Bir, ser?
Tilian ang mga manedyer at resepsyonis:
Oy, tita, ba’t ang tagal mong nawala?
Dagsaan ang iba pang kostumer
Me muherista
Me mukhang sekyutib sa Makati (wid matsing atatsi keys)
Merong pagkakam
