Tatlong sitsit ng tikbalangI.
Isang sitsit lang,
parang ihip ng hangin
na naglalaro sa aking tenga
at agad akong napapalingon.
Suspetsa ko ang apat ng baso ng
white wine sa malaking
pagtitipon.
Nakagarbong bihis ang mga abogado
Ng itim at painetang pahiyas.
Sa hardin, kung saan
nanonosyal ang karamihan,
dumukwang ang pilantik ng hinliliit
habang inilalatag ng kanang kamay
ang liver patê sa french bread.
Bumulaga na lamang na parang anino ng gusgusing
bata sa kalye na
gustong mamunas ng salamin ng kotse
sa mga pagkakataong
apat na kasama mo’y masigasig
na nagtatalo tungkol sa
gawang sining ni Antipas Delotavo.
Napagtatakpan ito ng
isang aral na halakhak.
“Tingnan niyo, ’pañero,”’ sasabihin mo,
ituturo ang langit, “Isang kawili-wiling
bulalakaw.” Sabay tiklop sa hin
