KarnehanMagtitimbang. Ihahambing ang katotohanan.
Nakangiti o papadyak depende
sa layo o lapit sa
anyong ninanais.
“Pareng George,” babati sa
halos araw-araw na kasabay sa malayong biyahe ng
pagpapaganda ng katawan.
Sabay sakay sa bisikletang
walang pinatutunguhan.
Ito ang paborito kong lugar.
Dito ko nasisipat ang
sanlaksang kalalakihang nagbabanat
ng buto.
Nananalig, sumasamba na
may kapangyarihan—naidudulot na
batobalani man lang—
ang tamang korteng baysep.
Sa mga umbok ng dibdib,
dito ginagagad ang sarap ng inang nagpapasuso
ng gatas sa sanggol.
Punong mangga ang tabas
ng likod. Mayabong na yumayakap
sa katawan.
Iniaalok sa sinag ng araw
kapag nagpapadaing sa dalampasigan.
O nagpapatapa sa swimming pool.
Hari ng mga bunga. Nakapagsasabi
kung sino ang puwedeng
