May isang pangalanLinulutang ako ng kanyang pangalan
na parang batang kalong ng alon.
Gabi-gabi kong yinayakap ang mga halik niya
na gumagabay sa akin sa madaling-araw
na pananaginip.
At gigiti na parang samyo ng kalachuchi
ang pawisan niyang katawan,
at ang bakat nito sa basang kamiseta
at ang kupas na maong na bumabalot
sa kanyang hita
na mamasa-masa rin ng kanyang mga katas.
Napag-aalab ako sa ginaw ng Nobyembre,
bumabagang pugon ang nasimulang rikit
ngunit tilaok ng manok ang tanging kaniig.
Wala bang kukumot sa hubad na pusong
sinisinat ng pag-ibig?
