PAGBABA nila ng sasakyan ay hindi naman sila nagpunta kina Mandy. Nasa malawak na lugar sila na napalilibutan ng bermuda, walang tao ngunit may ilang kagamitang nakalabas.
“Ken, anong ginagawa natin dito? Nasaan sila Mand—” napahinto siya nang makitang wala na ito sa likuran niya. Nagtatakang hinanap niya ito sa paligid. Wala na ito. Pinagtataguan ba siya nito? Binalikan niya ito sa sasakyan ngunit wala rin siyang nakitang Ken doon.
Ano't ang bilis naman nitong nawala? Gusto pa yatang makipaglaro ng tagu-taguan.
Tumingala siya nang may marinig na huni ng mga ibon. Tinawag niya si Ken ngunit walang sumasagot. Pumunta pa siyang gitna para doon sumigaw ng ubod ng lakas ngunit wala pa ring sumasagot. Ang napakalaking espasyong kinatatayuan niya ay napalilibutan ng mga punong may iba’t iba
