من واقع أيامنا

الحلقة التاسعة

قصة قصيرة

حكمة أم

الفصل الثاني

--- ---- ---"-- ---- ---'''--'''''--- ---- ---- --------

.. .. فى غرفة نوم الأب يجلس شاردا يفكر هل ما يفعله صحيح .. .. هى ابنته وقرة عينه .. .. نعم يعاملها بقسوة وحزم . .. لخوفه عليها ولكنه يحبها .. أما موضوع الزواج .. فهو بضغط من شريكه وتهديده  بخسارة الشركة .. .. بإنسحابه بعد ان خسر الأول كثيرا من أسهمه بالبورصة .. .. المقابل الوحيد زواج ابنته من ابنه .. .. المتيم بها بشكل كبير .. .. ولكنه عابث يبدل  الفتايات كما يبدل قمصانه .. .. ليس بيده شىء سوى الموافقة .. .. والإ سيخسر كل شىء ..

--- ---- ---"-- ---- ---'''--'''''--- ---- ---- --------

.. دلفت هيام على زوجها مقررة المواجهة .. .. مهما كانت النتيجة ..

..نادت عليه " نادر .. .. البنت شكلها مش موافقة ..  على ابن شريكك  دا .. فعلشان خاطرى بلاش .. احنا معندناش غيرها "

.. ن** رأسه قائلا " ياريت .. .. صعب وبعدين الولد مش وحش .. وخريج جامعة "

.. أكملت " وبتاع بنات .. وسهر .. وسجاير .. وانا بنتى ملهاش فى الجو دا .. .. وكمان رافضة .. .. ونفسها فى الصيدلية اللى وعدتها بها اول مادخلت الجامعة .. ..

.. زفرا بضجر " كل الشباب كدا .. .. بكرة لما يخطبها يعقل .. .. ويحس بالمسؤلية "

.. **تت لحظات .. ثم فاجأته بما افصحت عنه ..

" انا عارفة السبب ورا اصرارك دا "

--- ---- ---"-- ---- ---'''--'''''--- ---- ---- --------

-- ------ ----

.. **تت لحظات ثم فاجأته بما افصحت عنه ..

" انا عارفة السبب ورا اصرارك دا "

--- ---- ---"-- ---- ---'''--'''''--- ---- ---- --------

.. ارتبك قليلا ثم تماسك " اسباب ايه ؟

مفيش غير اللى قلته .. ..

وياريت تقفلى على الكلام .. ..

(استقام ليغادر فاوقفته )

.. ..  "علشان خسرت معظم اسهمك فى البورصة "

.. برقت عينيه .. ونظر لها متألما .. ..

" للأسف غصب عنى "

.. تحركت هيام .. وربتت على كتفه.. ..

" لا يا نادر دى بنتى الوحيدة .. .. ناكل عيش حاف بس منظلمهاش "

" طب أعمل ايه .. .. ابنه بيزن عليه وهو بيضغط عليا ؟

.. هيام " اسمع انا عندي الحل ".

نادر "  حل ..الحقينى به "

" شوف ياسيدى .. .. انت اول حاجة هتقوله ان مفيش اى خطوبة .. .. ولا كلام من دا الا لما تخلص والنتيجة تطلع .. .. واحنا فى الكام شهر دول هنرتب هنعمل ايه "

.. ..  نظر لها غير مصدق لترتيب أفكارها .. ..

" ربنا يخليكى ليا انتى وسها .. .. ونعدى الفترة دى على خير "

" ويخليك لينا يارب .. .. متقلقش هتعدي بس سيبها على الله وقول يارب "

.. ..  ربت على يدها " ونعم بالله ..ياااارب

--- ---- ---"-- ---- ---'''--'''''--- ---- ---- --------

.. فى اليوم التالى ..

.. بشركة نادر داخل مكتبه .. .. وهو منهمك فى العمل على حاسوبه .. .. يريد تعويض ما خسره .. .. لعله ينقذ نفسه  من الإفلاس .. وابنته من الزواج .. ليقطع تركيزه دخول شريكه عليه .. .. لكى يأخذ الرد على طلبه .. ..

.. ممدوح " صباح الخير .. .. مشغول كدا فى ايه ؟

" صباح النور .. عادى بشوف اخبار الدنيا ايه؟

.. سأله " طب واخبار موضوعنا ايه ياترى ؟

.. تصنع عدم الفهم " اى موضوع مش فاهم "

.. رد بعصبية " نادر متوهش .. .. موضوع خطوبة لؤى وسها .. .. اخدت رأيها ؟

.. رد كأنه تذكر " ااه افتكرت .. .. مش هينفع دلوقت خالص "

.. تجهم وجه " ليه إن شاء الله ؟

.. رد بغضب " فى إيه ياممدوح .. .. البنت عندها امتحانات .. .. ودى اخر سنة وانا مش هشغلها بخطوبة .. وهيصة دلوقت .. ان شاء الله بعد النتيجة نشوف الموضوع دا .. .. وياريت نقفل عليه "

.. كز اسنانه " دا أخر كلام عندك "

.. اومأ له " ايوة .. نرجع بقى لشغلنا لو سمحت "

.. غضب الأخر وخرج واغلق الباب بقوة .. .. زفر بعدها نادر انفاسه .. .. وحمد الله أنه لم يتسرع ..  واستمع لكلامه زوجته .. ودعى الله أن يقويه حتى تمر الازمة على خير .. ..

--- ---- ---"-- ---- ---'''--'''''--- ---- ---- --------

.. اما الأخر فولج لمكتبه ليجد إبنه فى انتظاره..  ليعلم الرد على طلبه .. ..

.. لؤى " ها يا بابا طمنى حددتم معاد ؟

" لا .. محددناش حاجة .. أجل لبعد النتيجة "

.. تعصب إبنه " نعم .. دا لسه اربع شهور .. .. واكتر واحنا اتفقنا خطوبة .. دلوقت وجواز بعد النتيجة .. .. تقولى كدا "

.. رد بغضب " يعنى اقتله علشان يوافق .. .. خسارة فى البورصة ووقعته .. .. وضغط عليه وضغطت .. مطلوب منى ايه اكتر من كدا "

.. واكمل " قلتلك شاغلها .. وقرب منها كل ما تكونو فى النادى .. سمعتك الزفت سبقاك .. حلها انت بقى يافالح "

.. رد على ابيه بخفوت " انا بطلت كل اللى كنت بعمله .. بس هما البنات ولاد التيت .. اللى كل ما يلمحونى يجيو جرى عليا اعمل ايه "

.. ضحك أبيه ساخرا " طبعا مش بنك مفتوح ليهم ..  ومسخرة وقلة أدب .. .. تصدق بالله بنت نادر خسارة فيك .. .. والحاجة الوحيدة اللى بتخلينا اسعى لجوازكم .. على امل ينصلح حالك معها "

.. لؤى بترجى ووعد " وحياتك هبقى كويس .. .. وملتزم بس جوزهالى .. .. انا من اول مرة شوفتها وحبتها ونفسى اتجوزها باى شكل "

.. تن*د ماسحا على وجه " يبقى تهدى كدا .. .. وتصبر وكلهم كام شهر يعدو هوا "

.. اوما برأسه " حاضر هصبر .. بس هتكون ليا يعنى هتكون ليا " ( وغادر مباشرة )

--- ---- ---"-- ---- ---'''--'''''--- ---- ---- --------

في غرفة سها تتحدث مع زميلتها .. .. تحكي لها كل ما حدث معها .. ..

صديقتها .. " متخافيش ياسها .. ان شاء الله خير .. واكيد طنط هتتصرف .. بس هو إياد عرف؟

..سها  " لا لسه هنقابلو انا وماما لأنها عايزة تقابلو ونشوف هيحصل ايه .. ادعيلي

.." بدعيلك ياقلبي يلا اسيبك واروح اشوف ماما بتنده .. سلام "

وقبل أنا تتحرك جائها رسالة بكلمة واحدة ...

... "وحشتينى " ...

.. ردت عليه برابط اغنية " ياريتك معايا "

--- ---- ---"-- ---- ---'''--'''''--- ---- ---- --------

( ياريتك معايا يا حبيبي يا ريتك معايا .. ..

( وياريتنا نكون سوا انا وانت والهوى .. ..

( ونلف الدنيا ديا يا عيني ومعانا الهوى .. ..

( بيعز عليا أفرح من غير ما نكون سوا .. ..

( يا ريتنا نكون سوا .. ..

--- ---- ---"-- ---- ---'''--'''''--- ---- ---- --------

( النهاردة عمري قاللي ايه جرى .. ..

( قلت حبي ضاع يا عمري في الليالي .. ..

( خوفي يا خوفي من عيون الناس .. ..

( خوفي يا خوفي لا ياخدوك الناس .. ..

( يخدوك من ايدي يا خوفي .. ..

( آه آه يا خوفي .. ..

--- ---- ---"-- ---- ---'''--'''''--- ---- ---- --------

( أبدا ما انساك ده حبيبي هواك .. ..

( ونلف الدنيا ديا يا عيني ومعانا الهوى .. ..

( بيعز عليا أفرح من غير ما نكون سوا .. ..

( يا ريتنا نكون سوا .. ..

--- ---- ---"-- ---- ---'''--'''''--- ---- ---- --------

( سألوني الناس قلت بحبك سألوني الناس .. ..

( ولاموني الناس قلت بحبك ولاموني الناس .. ..

( ولا لوم بينسيني حبك ولا يوم بفرح إلا جنبك .. ..

--- ---- ---"-- ---- ---'''--'''''--- ---- ---- --------

( آه يا حبيبي آه لو جيت .. ..

( لحبيبك ورجعت يا ريت .. ..

( ونلف الدنيا ديا يا عيني ومعانا الهوى .. ..

( بيعز عليا أفرح من غير ما نكون سوا .. ..

( يا ريتنا نكون سوا .. ..

--- ---- ---"-- ---- ---'''--'''''--- ---- ---- --------

.. .. شعر إياد بالقلق عليها .. فسارع بالإتصال بها ليطمئن عليها .. .. فأجابته عندما رات رقمه يخط على شاشة هاتفها ..

.. " .. الو .. أيوه يا إياد "

.. سالها بقلق " مالك ياحبيبتي .. حصل حاجة ؟

.. اجابته " أيوة حصل .. .. وهتعرف كل حاجة لما تقابلني أنا وماما  في كافيه ( .. .. .. .. ) بعد ساعة

..طمأنها  وهو يشعر بالقلق " حاضر هكون منتظركم .. سلام ياروحي "

--- ---- ---"-- ---- ---'''--'''''--- ---- ---- --------

.. بعد ساعة بالكافيه المحدد اللقاء به

.. في ركن هادىء قليلا عن رواد المكان.. تجلس هيام وسها  برفقة إياد كما طلبت الاولى لتتكلم مع الأخير ..

.. بعد مقدمات التحية والأسئلة التقلدية بين الجميع تطرقت هيام للموضوع التى أتت من اجله ..

--- ---- ---"-- ---- ---'''--'''''--- ---- ---- --------

" شوف يابنى أنا طبعا عارفة مشاعرك لبنتى ومتاكدة من أخلاقك ونيتك وخصوصا لما والدتك كلمتنى وطلبت ايد سها وقالت انكم هتتقدمو رسمى بعد النتيجة .. بس كانت زى ما بيقولو كدا بتحجزها ليك..وعلشان كدا انا هكلمك بصراحة "

.. توجس إياد خوفا من القادم " فى ايه ياطنط قلقتينى .. انا مستعد لاى حاجة "

.. ابتسمت له " ان شاء الله كل خير بس اسمعنى بدون مقاطعة "

.. حرك رأسه بالموافقة وداخله يتأكل رعبا

--- ---- ---"-- ---- ---'''--'''''--- ---- ---- --------

-- -- -- -- -- -- -- -- -- -- -- -- -- -- -- -- -- -- -- --

. . . . . . . . . . . . . . . . . . . . . . . . . . . . . . . . . . .

. . . . . . . . . . . . . . . . . . . . . . . . . . . . . . . . .

. . . . . . . . . . .. . . . . . . . . . . . . . . . . . . .

. . . . . . . . . . . . . . . . . . . . . . . . . . . .

. . . . . . . . . . . . . . . . . . . . . . . . .

. . . . . . . . . . . . . . . . . . . . . .

. . . .  . . . . . . . . . . . . .

. . . . . . . . . . . .

. . . . . .

. . . .

نهاية الفصل