Chapter 54
Ruby Rose
“Ihulog mo na sa hukay ang anak mo Mr. Mendez! Ilibing mo na siya ng buhay!” Isang pamilyar na boses ang naririnig ko na umuutos kay Papa. Subalit iniisip ko na baka nabibingi lang ako at iniisip lang na siya ang may-ari ng boses na iyon.
“Papa, sino sila? Anong nagawa mong mali sa kanila Papa?” umiiyak ko na tanong sa aking ama. Subalit gusto ko talaga malaman at makita ang mukha ng lalake na umuutos kay Papa na ihulog ako at ilibing ng buhay.
Galit akong lumingon sa kinaroroonan ng boses na umuutos kay Papa. Kapwa kami nagulat nang magsalubong ang aming mga mata. Kahit madilim maliwanag naman ang buwan at hindi ako namamalik mata. Si Enrico nga ang may ari ng boses na iyon. Hindi ako nabibingi kundi siya talaga ang nagpadukot sa amin ni Papa.
“Ruby Rose? Putik!
