Chapter 51
RUBY ROSE
Pagsapit ng kinabukasan maaga akong nagising upang magsaing. Binuksan ko na rin ang tindahan dahil umaga pa lang marami na ang bumibili. Kasalukuyan ako naghuhugas ng sinaing nang makaramdam ako ng pananakit ng aking ulo. Sakto naman ang paglabas ni Papa galing sa kaniyang silid. Dumiretso ito sa banyo upang maghilamos. Pagkatapos ko hugasan ang sinaing isinalang ko na ito sa kalan.
Nakainit na rin ako ng tubig para sa kape. Si Papa lang naman ang mahilig magkape. Sa akin sapat na ang cocoa na ibinigay ni Aling Merly sa akin mga nakaraang araw. Si ALing Merly rin mismo ang gumawa ng cocoa powder na puwede ilaga at gawing hot chocolate drink.
“Anak, bakit ang aga mo nagising?’’ tanong sa akin ni Papa pagkatapos niya maghilamos.
“Maaga kasi ako nakatulog kagabi, Pa.
