الفصل الحادى عشر

1406 Words

الضمير الفصل الحادى عشر بقلم :ريان عبد العزيز محمد ابراهيم تعلن الخطوط العربيه الجويه بقيام رحلتها المتوجهه نحو مطار الخرطوم الرجاء من جميع الركاب التوجه نحو صالة المغادره?‍♀ وطوالى اتوجهت نحو صالة المغادره وانا ما قادره اوصف شعورى كيف مابين فرحانه ومابين زعلانه بوريكم السبب بعدين .... وصلت الخرطوم بعد رحله دامت ٣ ساعات وفى ال ٣ ساعات دى ما قادره احدد موقفى شنو ما بقدر اعيش فى بلد ما لي وجود فيها وما بقدر ارجع لمكان كان فيو كل معاناتى فكرت امش احجز وارجع امريكا فى الوقت الحالى دا بس فجاه تانى جاتنى شجاعه انى لازم ما أكون ضعيفه وأقدر أواجه اى مشكله كفايه زمان كنت ضعيفه اعرفكم بنفسى اسمى غرام وعمرى حاليآ ٣٠ سنه بس دا العايزاكم تعرفو عنى الباقى ح تعرفو من خلال قصتى ... #ف جانب تانى : *ياااسلام يااخ مامصدقه انو أخيرآ غرام جايه الليله -الله يجيبها بالسلامه مشتاقه ليها شديد بتى الما ولدتها وجابتها لى الأيام *واختى البحبها شديد - يا رغد اتصلى عليها شوفيها وين *يا أمى اتصلت على رقمها ف امريكا خارج نطاق التغطيه بتكون ف الطياره وله بتكون وصلت وما عندها شريحه سودانيه عشان تورينا -وطيب نعرف كيف انها وصلت ؟ *انا وريتها لما تصل تتصل علي من اى زول ف المطار وح ادي الرقم لى احمد اخوى يجيبها اصلا هو من قبيل ف المطار منتظرها -كان كدا خلاص ما اقلق ساى #فى جانبي أنا ف المطار *شايفه لى زول مستنى لى زول والزول دا ما غريب علي ركزت شويه اتزكرتو .. دا احمد طوالى مشيت ليو (اكيد ما ح يعرفنى لأنو انا شكلى اتغير خالص من جوه ومن بره وحا تعرفو لى قدام ) مشيت عليو وقلت ليو السلام عليكم احمد : وعليكم السلام (انا سكت ما عارفه أسألو من شنو ) احمد بفكر بينو وبين نفسو ( ياربي دى غرام لا ياخ ما اظن مستحيل دى تكون هى دا ما شكلها بس لكن صوتها تقريبا ياهو ) : غرام؟ انا :قعدت اضحك وقلت ليو ما متوقعاك تعرفنى احمد : اقسم بالله ما عرفتك وشكلك اتغير كتير معقوله بس الخمسه سنين دى تغيرك كدا انا لو ما دققت فى صوتك ما اظن كان عرفتك انا : كيف ما اتغير اذا كان اخوك ود امك وابوى بتغير عليك فى يوم فما بالك فى ال ٥ سنين ما بتغير اييييك حا تغير اى حاجه مستحيل فى يوم انها تتغير احمد:غرام .. لسه انتى ما نسيتى ؟! انا : مستحيل انسى بس ممكن تقول اتجاوزته وحاولت اغير نفسى وحاولت بقدر الممكن ما اكون غرام الزمان الضعيفه الهشه الرخيصه لا انا بقيت واحده تانيه خالص ي اخوووى الجابتوو لى الايام احمد : واختى المعزتها زى رغد واكتتتر اقسم بجلالة الله ليك وحشه شديده انا : والله يا ابوحميد فووق ما تتصور شوقى ليكم انتو طول الخمسه سنه دى ما طلعتو من بالى وانا طول السنين دى كل يوم بفكر انى أرسل ليكم وأطمنكم عنى بس لما اتذكر قرارى انى ما اتواصل مع اى زول فيكم طيلة السنين دى وانا لازم اثبت نفسى ولازم اغيريها بقدر الممكن فجأه قطع كلامى تلفون احمد برن .. احمد قال لى دى رغد شكلها عايزه تتطمن انى لقيتك قلته ليو ادينى ليها مشتاقه ليها شديد * رغودتى -احمد؟ *ياع**طه دا صوت احمد -اقسم بجلالة الله ما قادره اصدق غرااااامى (لما قالت كدا انا زحيت سماعة التلفون اضانى صنت والله) بعد قالت كدا تانى لا سمعت ليها لا حس لا خبر بقيت ماسكه التلفون واقول الو رغد ...ماف زول رد على عايزه ازح التلفون سمعت صوتها من بعيد بتقول امى والله العظيم دى غرام صوتها الما ببغبانى ما مصدقه انها تانى رجعت لي امها : الحمد لله قلبي يا دوب اتطمن عليها احمدك يا ربي يلا انا بعد سمعت الكلام دا بقيت بتبسم براى زى الهبله وقفلت الخط لو اتكلمت معاهم هسه اقسم بالله حا ابكى ليهم هسه انا الكلام الحنين والحلو ما بعرف اعبر فيو بس ببكى ما قدرت احل المشكله دى دى الحاجه الوحيده الماقدرت اغيرها فى طبعى * (عايزه ادى التلفون لى احمد ) لقيتو شال العجله البشيلو بيها الشنط وشال شنطى فيها (يلا مسافة ماهو بنقل فى الشنط دى احكى ليكم من مامشيت امريكا) طبعا انا اصلا شالونى عن طريق اللوترى قدمت كم مره وما شالونى بس الحمد لله فى المره الاخيره شالونى يلا قبل ما امش امريكا اصلا انا كنت متفقه مع ناس خالتو حنان (ام احمد ورغد ) وخالو محمد (ابوهم ) انهم طيلة الخمسه سنين الجايه دى ما يعرفو اخبارى ولا اعرف اخبارهم ووعدونى بى كدا ووافقونى على قرارى دا رقم انو كان صعب علي شديد بس انا قررت اكون فى الفتره دى منعزله براى كل زول بعرفو من زمن طفولتى ما عايزه اعرفو فى الفتره دى يلا عشان ما تستغربو فى انو احمد ما عرفنى قبيل وانا اصلا شلت رقم خالو محمد بتاع بيتهم قبل ما اسافر ووريتهم انى بعد ٥ سنه حا اتصل بيهم وما يغيرو الرقم دا مهما ما كانت الاسباب وانا كنت متأكده انهم مستحيل يغيرو عشان عارفين عندهم بت بعيده منهم وحا ترجع ليهم يلا كدا اديتكم نبذه مختصره شايفه احمد بأشر لي ومشيت على احمد ودانى على عربيتو وركبنا واتونسنا طول الشارع ... وصلنا البيت اول زول استقبلنى رغووودتى... ساعه نحن حاضنين بعض وبعدها خالتو حنان قعدت ابكى معاها حسيت انى فاقده حضنها وفاقده حنان الام يلا لقيت فيها الحنان والحب الفقدتو من زمان من ما فقدت امى ?? ربنا ما يحرمكم من امهاتكم يارب ويا اخوانا وصيه منى ليكم لو امكم عايشه اشبعوو من حنانها وعطفها لانو بالجد احلى منو ماف ? وبعد شويه جاء عمو محمد سلمت عليو كأنى بسلم على ابووى ? ياخ الناس ديل انا بعزهم وبحبهم شديد ربنا يخليهم لى يا رب❤❤❤ اتونست معاهم شويه وقالو لى امشى ارتاحى ... رغد قالت لى : -غرامى .. انا جهزت ليك سرير معاى فى غرفتى ولو عايزه اجهز ليك غرفتك الزمان بجهزها ليك هسه *رغودتى ..انا لاقيه اقعد معاك وبعدين انا مشتاقه ليك شديد شديد -حبيبتى انتى ياخ والعجب انا شوووق كتير شديد...يلا امشى استحمى وتعالى ارتاحى من تعب السفر *طيب يا قلبي ومشيت استحميت وصليت الاوقات الفاتتنى وجيت رقدت فى السرير وحاسه نفسى ما نعسانه قلت احكى ليكم شويه عنى .... يلا انا اسمى غرام عبد الرحمن وامى اسمها سلمى وعندى اخت اسمها غفران دى اكبر منى بي سنتين وعندى اخوان اتنين واحد اسمو عاطف دى اكبر واحد فى البيت واكبر منى بي ٦ سنين والاصغر منو اسمو سامى دا اكبر منى بي ٤ سنوات ..انا اصغر واحده فى البيت ...يلا اصلا كلنا اتولدنا فى السعوديه وابوى كان شغال فى شركة تأمين سيارات كان المدير العام وكان وضعنا فوق الممتاز يلا ابوى فجأه كدا قرر انو نجى السودان وطبعا فى السودان ابوى كان عندو كم معرض بتاع سيارات وعندو شركه بتاعت منتجات غذائيه دا قبل ما نرجع بعد رجعنا ابوى اشترى لينا بيت فى الرياض واستقرينا فيو انا كان عمرى ٥ سنوات كنت صغيره شديد كنت بتذكر الكلام دا طشاش طشاش يلا انا بحكم انى اصغر واحده كانو ابوى وامى مدلعينى شديد اى حاجه عايزاها بلقاها جاتنى لحدى عندى...يلا اخوانى طبعا كان بزعلو من ابوى وامى عشان مدلعينى وبغيرو شديد كانو بعاملونى كعب شديد وبذات غفران اختى نهائى ما حصل اتعاملت معاى كأخت واخوى سامى بحس بيو فيو حبة حنان ما زى عاطف كعب شديد وبحكم انو كبير البيت كان مسيطر على سامى فى اى حاجه .. صحيت مع صلاة العشاء قمت صليت العشاء والمغرب ومشيت لى ناس خالتو حنان ورغد لقيتهم منتظرنى بالغداء قلت ليهم : * ماف داعى تنتظرونى اعفو لى لو جوعتكم احمد: ما عافين ليك *عفو الله احسن من عفوك عمو محمد: يابتى نحن اصلا بنتغدا العشاء انا برجع متأخر وبنتظرونى هم واتغدينا وبعد الغداء اتونسنا ومشيت جبت ليهم الهدايا الجبتها معاى وبعداك مشينا ننوم رغد نامت طوالى وانا طبعا النوم ما جانى عشان نومت كتير يلا النحكى ليكم شويه : امى وابوى اكتر ناس فى بيتنا بدلعونى وبريدونى شديد واحيانا سامى اخوى الصغير يلا بعد ما رجعنا السودان ابوى بقى حاصر شغلو فى الشركه ومعرض السيارات واخوانى كانو صغار الزمن داك بدرسو يادوب وكنا عايشين فى آمان الله...يلا بخصوص اهل امى وابوى ... *اهل امى : امى البت الوحيده لى حبوبه وجدو الله يرحمهم ماتو من بدرى شديد عمرى الوقت داك اظن سنتين ما كنت بتذكر حاجه يلا ابوى بقى ليها كل حاجه عوضها عن اى شئ بعد ما ماتو? *اهل بابا: طبعا معروف انو اهل الاب صعبين شديد وبالاخص الاعمام والعمات واولادهم دايمآ بكونو ما بطيقو مرت اخوهم ولا اولاد اخوهم فى اهل ابوى طلعو منهم حبوبه وجدو كان الوحيدين البحبونا ...يلا بابا بحكم انو كان مغترب كانو اعمامى بغيرو شديد منو وكانو طمعانين كلهم فى قروشو وابوى كان عارفهم عشان كدا كان كل ما يشترى حاجه بسجلها بواحد مننا ونهائى ما كان بفرز بيناتنا .. حانقيف هنا الحلقه بسيطه جدآ بس والله ممتحنه دعوواتك لى بالنجاح ??

Free reading for new users

Scan code to download app

App Store Google Play

Facebookexpand_more