الفصل الخامس

1536 Words

الضمير الفصل الخامس بقلم : ريان عبد العزيز محمد ابراهيم نوال قالت لى أبوها حافكر وأرد عليك وما فاهمه حاجه اصلا ...لانو اصلا ماهر ماحصل لمح ليها جرد تلميح انو عايزها ..صلت العشاء وبعد خلصت سمعت صوت تلفونها بتصلو بيها مشت شافت المتصل واتفاجأت بي انو دا ماهر ردت عليو : الو ماهر قال : الو... السلام عليكم نوال ردت : وعليكم السلام ماهر قال : كيفك يا نوال ؟ نوال ردت : تمام الحمد لله كيف انت ؟ ماهر قال ليها : كويس الحمد لله ...اسف على الازعاج بس لازم كان اتصل بيك نوال قالت : عادى ما يهمك ماف اى ازعاج ماهر قال : عايز اعرف رأيك فينى شنو نوال (جاتها صدمه لحظيه ) قالت: والله صراحه مافيك اى كلام بس فاجأتنى والله ماهر قال : شوفى يانوال ماهر قبل ١٠ سنه ممكن كان يحبك ويرتبط بيك وبعدها يتقدم ليك بس ماهر الهسى دا بقى ما بقتنع بي الحب والكلام دا وبقيت مقتنع جدآ بمقولة الحب يأتى بعد الزواج فعشان كدا انا طوالى عرفت نفسي عايزك اختصرت الموضوع طوالى ومشيت كلمت ابوك واعفى لى ما كلمتك ولا اخدت رايك بس صراحه خوفت توقيفينى وعلى العموم خير البر عاجله نوال قالت ليو : ربنا يقدم الفيو الخير ويسهل ان شاء الله ...انا حأستخير وبوريك ردى مع أبوى ماهر (احترمها جدآ ) وقال ليها : خير ان شاء االله يلا تصبحى على خير قالت نوال : وانت من اهل الخير وانتهت المكالمه على الاساس دا ونوال فى ليلها دا استخارت ونامت على كدا والصباح زى نشاط كل يوم بتعملو صلت الصبح حاضر وعملت الشاى ونضفت البيت وجهزت نفسها عشان تمش الشركه ...ومشت الشركه وكان يوم عادى اشتغلت شغلها وفى ملفات ودتها لى ماهر وعاملها عادى زيها زى أى موظفه وهى احترمتو شديد بعد رجعت بيتهم العصر كدا جاتها روان سلمت عليها وقالت :مرت اخووى الحلوه نوال خجلت شديد منها وضيفت نوال وقعدو يتونسو روان قالت لى نوال : أها رأيك شنو فى ماهر وموافقه وله لا نوال ضحكت وقالت ليها : براحه براحه على فى الاسئله روان قالت ليها : لو ما عملت ليك كدا عمرى كلو ما بعرف نوال قالت ليها: استخرت وربنا يقدم الفيو خير ان شاء الله روان قالت ليها : ان شاء الله ي رب واخدت قعدتها معاها ومشت على بيتهم وفرحت شديد بإنو نوال موافقه بي أدهم المهم بعد كم يوم كدا نوال كررت الاستخاره وارتاحت للموضوع وكلمت أبوها إنها موافقه وابوها بعد يوم اتصل بي ماهر وكلمو بي رد نوال وماهر فرح شديد وانبسط شديد وقرر يخطبها طوالى والعرس يكون قريب.... بعد اسبوع من الكلام ماهر واهلو واصحابو جو لى اهل نوال عملو خطوبه وجاب معاهو حاجات الخطوبه ولبسو الدبل وبي كدا نوال وماهر بقو مخطوبين رسمى ونوال لبست فستان راقى وبسيط وطلعت حلوه شديد ... يلا نرجع ليكم لى بداية قصتنا .. نوال وامها جهزو وطالعين ماشين بيت البكاء لى ناس سميه اول ما وصلو بيت البكاء ...نوال وامها بكو شديد واتأثرو شديد بي وفاة خاله نجوى الطيبه البتعاملهم احسن معامله وماشافو منها شئ عزو اخوات سميه الاكبر منها سميه اصغر واحده فيهم ونوال سالت واحده من أخوات سميه من سميه وين عشان عشان اعزيها ... اخت سميه ودتها لى سميه لقتها بتبكى شديد نوال مشت على سميه قلدتها شديد وعزتها لى امها سميه بكت شديد وجات ام نوال برضو بكت معاها وحاولو يصبرو سميه بس بعد شويه جات حنين قعدت تبكى مع سميه برضو بعدها بي شويه نوال طلعت بره وقفت قدمت المويه للضيوف والشاي والقهوه وتغسل فى العده مع البنات الشباب اما ام نوال مشت ساعدت النسوان فى الطبيخ وماقصرو نهائى معاهم وبعدها رجعو على بيتهم جهزو الغداء لابوهم والاولاد وكانو متأثرين شديد لى نجوى لأنها عاشرتهم أحسن عشره وما غلطت فى حقهم ولا غلطو فى حقها ومرت الأيام ونوال وامها كل يوم بطلو ناس سميه ويقيفو معاهم ويساعدوهم ...فى الفتره عرس نوال قرب وادهم اداها اجازه من الشغل ووقفت عشان تتحبس للعرس ...وبدأت حبسة العرس والوقت مشى سريع والعرس جاء ... احكى ليكم نوال طلعت كيف ماهر طلب ليها زفاف من مصمم عالمى فى أنجلترا واستلمو قبل اسبوع من العرس وعملو لى نوال مفاجاه ونوال فرحت شديد بالفستان لأنو خرافى بمعنى الكلمه .. الفستان ملكى كلو مشغول بالخرز واكمامو طويله ونهايتو من ورا طويله شديد طول خمسه امتار حاجه تخلع ..يلا نوال لبست عند أفخم ميك أب أرتست فى الخرطوم وطلعت فى قمةةة الرهابه والابداع وماهر لابس بدله كلاسيك ذات ذووق عالى وطالع رهيب شديد كل الناس تقول ما شاء الله تبارك الله عليهم والعرس كان فخم جدا فيو أشهر الفنانين وبعدو عملو الجرتق بأشهر فنانه فى العاصمه وبعدها سافرو شهر العسل فى ليلهم داك ...اوريكم مشو وين بدو رحلتهم مشو الإمارات قعدو فيها زى خمسه يوم وبعدها سافرو تركيا قعدو فى زى عشره أيام ومن تركيا دخلو بريطانيا وما خلوو مكان فى بريطانيا ما مشو قعدو فيها زى عشرين يوم وكانت اجمل حياتهم وبعدها ماهر ناس شغلو الفى السودان اتصلو على ونزلو السودان عشان يتابع شغلو بنفسوو...اول ما وصلو نزلو طوالى فى بيت نوال واهل نوال استقبلوهم أحسن استقبال وماهر قال لى نوال بجيك المساء أسوقك ناس اهلى ...وفعلا جاء المساء وماهر ساق نوال مشو ناس اهلو وفرحو شديد بجيتهم واستقبلوهم احسن استقبال ...يلا بعدها طلعو وماهر قال لى نوال يلا اوريك آخر مفاجاه ...ساق نوال ووداها بيتهم وكان مكون من ٣ طوابق وفخم شديد وكبير نوال فرحت شديد من ماهر وشكرتوو وما متخيله انو ماهر بحبها شديد كدا وقال ليها بيتنا دا جاهز من زمان شديد وانا بجهز فيو من كنت فى بريطانيا قبل عشره سنوات واى شئ خططت ليو نفذتو فى البيت وصاحبي كان متابع مع العمال وبكلمنى بأى شئ بتعمل فيوو نوال قالت ليو صراحه التصميم خرافى ورهيب شديد ربنا يقدرنى واسعدك ماهر قال ليها :امممين ي رب ونزلو طوالى فى بيتهم الجديد وماهر ماقصر جاب شغالتين يساعدو نوال فى شغل البيت رغم إعتراض نوال على كدا ..فى يوم من الايام اهل ماهر واهل نوال عزموهم ماهر ونوال عشاء ...نوال صحت من الصباح هى الشغالات يجهزو لى العزومه ونضفو البيت ورتبو ...يلا المساء اهلهم وصلو وماهر رجع من الشغل بدرى ونوال والشغالات جهزو أحلى صفرة عشاء وكانت فرحانه شديد بجيتهم اتعشو واتونسو كانت لمه حلوه شديد ...يلا فى أثناء قعدتهم دى أخو نوال عبد الله قال ليهم عبد الله : بى مناسبة اللمة الحلوه دى حابب أطلب منك ياماهر وابو ماهر يد روان كلهم فرحو شديد ورووان انبسطت شديد ابو ماهر قال :لى الشرف والله أناسبكم تانى صراحه مافيكم أى كلمه ودا غير إنكم جيران ماهر قال : ونحن بنلقى أحسن منك وين عبد الله قال ليهم:خجلتونى والله ماهر قال بس اهم شئ نسمع رأى العروسه (واتلفت عاين لى روان وقال ليها ) ما وريتينا رأيك ياروان فى عبد الله روان خجلت شديد وردت هى مدنقره وقالت الرأى رأيكم انتو انا ما عندى مشكلها وام روان وام نوال طوالى زغرتو وانبسطو شديد وفرحو ليهم ابو ماهر قال شكلو يابتى انتى موافقه وواقعه بي شوشتك وجايه تقولى لينا الرأى رأيكم كلهم قعدو يضحكو ... وبعد شويه عبد الله عاين لى روان وهى برضو عاينت ليو وابتسمو الاتنين لى بعض (يلا اوريكم روان وعبد الله طول الفتره الفاتت دى اتعرفو ببعض وحبو بعض وكل دا ونحن ولا ناس نوال وماهر ما جايبين ليو خبر ) المهم اتفقو انو عبد الله قال حا يتقدم بعد اسبوع طوالى ويكون عقد عشان اجازتو قربت تخلص ويرسل اوراق عقدهم ويسافرو طوالى بعد العرس.. وفعلا جاء الاسبوع وناس نوال واهلها اتقدمو لى روان وعقدو طوالى والعرس حايكون بعد شهر...فى الفتره دى نوال كانت حامل وفرحوو شديد بخبر حملها وماهر عايز يموت من الفرح ومدلعها آخر دلع بس كانت حملها صعب شويه ونوال كانت طووالى تعبانه وفترانه جات فترة عرس روان وعبد الله وتم العرس على اكمل وجه وكان عرس حلو شديد ...بعدو طوالى سافرو العرسان شهر العسل ومن شهر العسل حا يسافرو السعوديه طوالى يوم نوال قاعده مع اهلها بابهم دق فتحت نوال الباب لقت سميه فى الباب سلمت عليها وقالت ليها اتفضلى لى جوه سميه قالت لى نوال : انا جيتك يانوال تعفى لى وتسامحينى أنا من يوم الحصل داك وضميرى مؤنبنى شديد وندمت أشد الندم على الكنت عايزه اعملو نوال قالت ليها:عافيه ليك دنيا واخره ...كل الناس بتغلط بس الأهم من الغلط تعرف الغلط وتصلح الغلط وانتى مدام حسيتى بالذنب معناو انتى جواك نضيف وانا نهائى ما زعلت ولا عمرى زعلت من زول سميه بكت شديد لانو صراحه نوال خجلتها بكلام وعرفت حقيقة نوال النضيفه ... فعشان كدا يا احبائى القراء الناس اصلو ما تزعل من زول غلط فى حقها وجاء يعتذر ليها طوالى تقبل العذر لأنو لو الزول دا ضميرو ما أنبو ما كان جاء يطلب السماح... وسميه دى زاتها زوله جواها نضيف شديد كونو تشوف نفسها غلطت وتعتذر دا براو بالدنيا وكونو ضميرها يأنبها دا برضو حاجه ماساهله ...يخووانا فى ناس عاملين أغلاط كتيره شديده وجرائم ومأكلين حقوق ناس فى بطونهم وعايشين عادى ولا متأثرين أصلا فكونو زول غلط فى حقك وجاء عرف غلطو واعتذر اقبلو العذر طوالى وسامحوهم لأنهم ديل اشخاص نادرين.... يلا نوصل اخر جزئية من قصتنا مرت الأيام ومواعيد ولادة نووال جات وكل الناس متوتره وخاصه انو نوال وضعها صعب شديد والدكتور طوالى دخلها عمليه قيصريه مستعجله ...بعد فتره ما بقصيره نوال طلعت من العمليه والدكتور طلع برضو وقال ليهم حمد لله على سلامتها ربنا اكرمكم بي بنت حلووه ربنا يحفظها ماهر قال ليو الحمد لله والشكر لله المهم نوال وضعها كيف الدكتور قال صراحه فى البدايه وضعها كان خطير شديد بس الحمد لله ربنا لطف معاها وسهل ليها ... الحمد لله .. تمت ... يااريت الناس تستفيد من مقصد القصه وبعتذر جدآ لو فى أخطاء لأنى ما راجعتها طوالى نزلتها ليكم .. نواصل باقى قصصنا كونو على انتظار أعزائى ودمتم سالمين

Free reading for new users

Scan code to download app

App Store Google Play

Facebookexpand_more