NAGISING ako sa pakiramdam na may nalalanghap akong amoy, kakaibang amoy dahil parang napakaasim, tila amoy panis na pagkain.
Marahan kong minulat ang mga mata ko nang nakasimangot pa. Pero pagmulat ko ay agad akong napahinto nang ma-realize kung nasaan ako.
Lintik!
Nasa ibabaw lang naman ako ng katawan ni Lieutenant Rex! Hindi lang 'yun dahil nang mapatingin ako sa balikat nito patungo sa leeg ay may mga suka, 'yun pala ang naaamoy ko na amoy maasim!
Hindi ko mapigilan ang mapangiwi dahil talaga namang nakakadiring tingnan at napakalansa sa pang-amoy.
Maingat na akong bumangon; dahan-dahan lang ang ginawa ko para hindi siya magising, tinukod ko muna ang mga braso ko sa kama, sa kanyang magkabilang gilid bago ko unti-unting inangat ang katawan ko.
Pero dahil sa paggalaw ko ay parang
