WALA akong imik habang pauwi na kami ni Captain sakay ng kotse.
Suot ko pa rin sa aking daliri ang singsing na bigay niya sa akin dahil ayaw na niyang ibalik ko sa kanya. Oo, tinanggihan ko pa rin ang proposal niya na hindi ko alam kung talaga bang totoong seryoso siya o sinusubukan niya lang ako. Pero kung hindi ko raw tatanggapin ay itatapon na lang niya ang singsing sa dagat. So, ako naman ay syempre nanghinayang na baka totohanin niya. Mukha pa namang totoong diamond ring tapos itatapon lang niya dahil ayaw kong tanggapin? Makonsensya pa ako kapag nangyari 'yun na itapon niya, tapos totoo pala ang kutob ko na milyon ang halaga.
Kaya naman kaysa itapon niya ay mas pinili ko na lang panatilihin sa aking daliri. Naisip kong ipatingin na lang pagbalik namin ng Pilipinas para malaman ko k
