AT DAHIL bukas pa naman kami aalis ay nanatili pa kami ni Captain sa bahay, gano'n din si Lieutenant na ayaw pang umuwi at pilit na nagtatanong kung anong klaseng misyon ba ang pupuntahan namin at kung saang lugar, pero ayaw naman sabihin ni Captain.
Ngayon ay nakaupo ako rito sa loob ng kitchen at pinapanood silang dalawa sa pagluluto. Feeling chief lang silang dalawa, maghiwa lang ng sibuyas ay talagang pabilisan pa na akala mo'y nasa paligsahan. Pinaalis nila ang mga tagaluto na namamahala sa kitchen dito sa village at silang dalawa ang pumalit; dapat sana ay si Captain lang ang magluluto dahil gusto niya raw ipagluto ang mga kapatid ko ng dinner, pero ito namang si Lieutenant ay gusto rin daw magluto dahil hindi naman daw siya busy at wala siyang magawa kaya aabalahin muna niya ang ka
