UMALIS kami ni Captain ng hotel sakay ng yellow Ferrari F8 Spider, na hindi ko alam kung binili ba niya o ni-rent lang.
Tahimik naman ako sa biyahe habang patingin-tingin lang sa labas. Mabuti na lang ay kumportable naman ako sa suot ko kahit papaano dahil may mahabang coat naman.
Red skorts, white blouse, black winter boots na abot hanggang hita ang haba, at black leather coat na napakaba din ng laylayan. Iyon ang outfit ko for today. Hindi lang 'yun dahil may wig pa akong suot na blonde hair at medyo curly ng konti ang dulo, at may red beret hat din akong suot sa ulo. Chic na chic ang dating ko. Nakakapanibago at nakakailang kung minsan. Pero oo, gandang-ganda ako sa sarili ko.
Habang si Captain naman ay nakasuot ng black turtleneck sweater na panloob, at gray winter coat naman ang pa
