HABANG nakikipag-usap si Captain Yael at ng kanyang bisita ay nanatili lang akong nakatayo sa isang tabi at kunwari ay patingin-tingin lang sa loob ng malawak na apartment, pero ang totoo ay nakikinig ako sa kanilang usapan.
“About the mission, there's a problem. Nawala ko ang singsing at hindi ko pa rin nahahanap magpahanggang ngayon,” wika ni Yael sa kanyang bisita.
“What? At paano mo naman nawala, Captain? Kailangan 'yun para mabuksan ang ang items na kakailanganin mo sa misyon pagdating ng Hungary!”
“Iyon nga, may nagnakaw.”
“Nagnakaw? Really? At kailan pa nanakawan ang isang magaling na agent na tulad mo?”
“'Yung pato ang ninakaw, nakawala sa pagkakatali, kaya ayon, kinatay ng lintik na magnanakaw na kapitbahay. Palibhasa patay gutom.”
Parang umusok ang tainga ko sa narinig. Ano
