طفلة أبكاها القدر

الحلقة الاولى #طفلة ابكاها القدر #الكاتبة ميار أمجد من أنا ،وكيف لي ان اكون ،من هولاء الناس، هل هم عائلتي، أما شياطين. بهيئة بشر .... _________________________________________ اجه ابوي كلي اصعدي بالسيارة رحت صعدت ومشت بينة السيارة الطريق صار كلش طويل سالتة ميامين: - بابا هاي وين رايحين ابوية:- لكرايبي ميامين:- اي همة وين ابوية:- ماعليج همه وين سكتي ولاتحجين بعد ماحجيت بعد كاعدين نمشي بالسيارة وقريت بلدية الناصرية ترحب بكم تفاجأت شنو اسوي انة هنا ميامين:-بابا رايحين للناصرية ابوية:- اي سكتت وبقيت اباوع الطريق ظلت تمشي السيارة الحد مادخلنة مثل البساتين بضبط شوية مشينا بيها وكفت السيارة يم بيت حلو ويمة زرع وبساتين احب هيج اماكن ظليت بس اباوع وتأمل كلشي موجود تقربت يم ابوية وهمست اله.... ميامين:- بابا يمتة ترجعني البيت مالتنه ابوية:- اسبوع بس وترجعين ميامين:- خوش انتظرك تجي عليه دخلاني للبيت وهوة مادري وين راح حسيت بخوفة بداخلي لان وحدي محد وياية وماعرف شنو اسوي امشي بخطوات بطيئة و دخلت للبيت طارمة كلش جبيرة وبيها حديقة الحديقة كلش حلوة تجنن اني احب الحدائق بس ماعدنة بيتنة حديقة ضليت اباوع ع الزرع عجبتني وردة حمرة حلوة ردت اقطعها قربت ايدي منها واني تأمل جمالها وكول بنفسي اكيد عطرها حلوو مثل شكلها بعدني مالامستها اجة صوت من وراي ..... شخص:- انتِ منو ميامين:- اني ميامين اجيت اساعدكم بالفاتحة باوع عليه بعصبية واشر بصبعة على باب يمكن مال صالة... شخص:- طبي بساع لاتضلين هنا ماكلت شي بس دخلت للبيت و بسرعة دخلت جوة ماكو نسوان هواي سلمت عليهن ردن السلام بس وحدة لابسة اسود وملخة شعرها وخدودها حمر كامت علية تريد تكتلني اجة نفس الولد لزمها ... شخص:- م***ع تمدين ايدج عليها ترة هية بكد بتج لا تخلين عقلج وية عقلها واني بس اباوع بالوجوه ماعرف شنو سالفة وهاي ليش هجمت عليه الشخص:-اكعدي هنا شوية بعد نصيحج ميامين:-(بخوف)خوش كعدت يم النسوان وحدة تنعي وحدة تهمس تحجي ويا صاحبتها وحدة تسوي روحها تبجي ومبين منتضرة الغدة المهم اني شعليه شوية واجة الولد صاحني رحت وياه. شفت هواية ولد ماعرفهم منو بعدين واحد مدري شنو يحجي مافتهمت منه شي بس الي فهمته من كلت اقبل اقبل بعدين كامو مادري شيحجون انة اباوع بالوجوه والخوف متجسدني ماعرف اني وين وشنو جاي يصير شفت الشخص نفسه اشر الوحدة اجت و اخذتني مادري وين بس اباوع بعيوني ما احس اله دخلتني بالغرفة حلوة بيها جرباية جنت صغيرة وجانن خواتي عدهن جربايات جنت اتمنى انام عليهن بس هنة مايخلني مادري ليش مايحبني باوعت البنية ماعرفها منو.... ميامين :-اني راح انام بهاي الغرفة البنية:- اي هاي غرفتج فرحت كلش حتى نسيت الخوف نتضرت البنيه تطلع ورحت ركض ع الجرباية انام عليها كلش مريحة نومتها كاعدة اتلمس بالفراش وتأمل كل ركن بيها واحجي ويه نفسي معقولة هاي غرفتي الله ماصدگ وكمز على الفراش ما احس اله الباب نفتح ودخل نفس شخص الي شفته بالحديقة هو مبين عليه جبير حتة اكو شوية شعر ابيض خاتل جوا شعرة الاسود اباوع عليه كلش ضخم وطويل بس شكله حلو مو حلو حلو بس حليو مقبول دخل هذا الشخص الغرفتي عاد اني ضجت وكفت اله وحاطة ايدي على خصري واحجي بكل ثقة... ميامين:- عمو انت شنو تسوي هنا اني هاي البنية المساع جانت يمي شوية طويله كالت هاي غرفتج عيب تدخل عليه هيج..... باوع عليه بغضب وسد باب الغرفة اني هنا نرعبت وجمدت مكاني اريد اتحرك ماكو تقرب عليه بخطوات الشخص:- وهاي هم غرفتي ردت احجي.......يتتتتتبببببعععع _________________________________________ هلاوووو كيكاتي شلونكم شخباركم وهذا مقتطف من القصة اذا عجبتكم صوتوا الها وعلقوا عليها احبكم تكتوكاتي...... مع تحياتي الكاتبة ميار أمجد