Alastair’s POV
SERYOSO akong nakatingin sa kanyang presensya. Ngayon ay mahimbing siyang natutulog sa aking harapan. Isa at kalahating oras na rin ang nakalipas kaya alam kong malapit na ulit siyang magising. Gamit ang aking hinlalaki ay marahan kong hinaplos ang kanyang noo, dahan-dahan kong inayos ang mga takas niyang buhok. Sa puntong ito ay kapansin-pansin na ang pagbabago sa kanyang katawan. Ang mga sugat at pasa sa kanyang mukha ay tuluyan na ring naglaho. Ang madilim niyang pagmumukha at ekspresyon ay napalitan kaagad ng maliwanag at maaliwalas na imahe.
Alam kong sa puntong ito ay tuluyan na rin niyang makalimutan ang lahat. Alam kong sa puntong ito ay haharapin na niya ang bagong buhay na ibibigay sa kanya dala ang mga alaalang pareho naming pagsasaluhan. Sa puntong ito ay sin
