CHAPTER 74
Nakahinga siya nang maluwag nang inuna na muna ng mga pulis ang pagpasok sa kulungan ni Elena kaya nagkaroon pa siya ng pagkakataong makatakbo sa desk ng information. Nang kunin na niya ang kanyang iqama ay biglang gumalaw ang natutulog nang pulis na naka-assign doon. Mabilis siyang umupo at nagtago sa likod ng mesa. Parang may libong kabayong nagkakarerahan sa kanyang dibdib. Halos hindi na siya humihinga. Hindi siya gumagalaw kahit sobra na yung panginginig niya. Kung may magigising o papasok mula sa labas, bungad na bungad siya at makikita siya agad. Naririnig niyang may nag-uusap na mga pulis sa pantry kung saan parang nagkakape at nagta-tsa-a ang ilang mga pulis. Kung haharap ang nakaupong guard sa entrance ay makikita at mahuhuli rin siya. Umubo ang nasa information. Nag-
